جارتى جىلدا 19 ميلليون تۋريست قابىلداعان ەل
بۇل الدىڭعى جىلعى كورسەتكىشپەن سالىستىرعاندا %13,2 عا كوپ. ناقتىراق ءارى تارقاتىپ ايتقاندا، 2019 -جىلدىڭ شىلدە ايىنىڭ وزىندە اتالعان ەلگە 5,3 ميلليون تۋريست كەلگەن. 2018 -جىلدىڭ شىلدە ايىنداعى كورسەتكىشكە قاراعاندا %18,5 عا ارتىق.
تۇرىكتەردىڭ Anadolu Ajansı جاڭالىقتار قىزمەتى تاراتقان حابارعا قاراعاندا، تۇركيانىڭ تۋريستىك سەكتورىنان تۇسكەن تابىس وتكەن جىلدىڭ العاشقى جارتى جىلدىعىنا
قاراعاندا %9,9 عا ارتقان - 12,6 ميلليارد دوللاردى قۇراپ وتىر.
تۇركياعا كەلگەن تۋريستەر اراسىندا رەسەي، گەرمانيا جانە ۇلى بريتانيا ازاماتتارىنىڭ قاراسى كوپ. 2019 -جىلدىڭ شىلدە ايىندا رەسەيدەن كەلەتىن تۋريستەر قاراسى %4,62 عا ارتقان - 1 ميلليوننان اسا ادامدى قۇراعان. ال گەرمانيادان كەلەتىن تۋريستەر قاراسى %30,29 عا ارتقان - 588,5 مىڭ ادامعا جەتكەن.
ۇلى بريتانيادان كەلەتىن تۋريستەر قاراسى %17,22 عا ارتىپ، 359,4 مىڭ ادامدى قۇراپ وتىر. تۋريستەردىڭ دەنى انتاليا، ستامبۇل جانە ەدىرنە قالالارىنا ات باسىن تىرەگەن.
islam.kz