قازاقستاندا حالىقتى نەسيەلەۋ ءبىر جىلدا 19 پايىزعا ارتتى
ونىڭ ءوسىمى ءبىر جىلدا %19 قۇرادى، تىكەلەي تۇتىنۋ نەسيەلەرى %15 وسكەن، دەپ حابارلايدى قازاقپارات ءتىلشىسى Ranking.kz-كە سىلتەمە جاساپ.
قازاقستان بانكتەرىنىڭ قارىز بەرەتىن پورتفەلى ءبىر جىلدا - %1,8، بانكتىڭ ەكونوميكاعا باعىتتالعان نەسيەلەرى %1,1 قىسقارعان. تۇرعىندارعا نەسيە بەرۋ قارقىندى ارتىپ كەلەدى. ماسەلەن، جەكە تۇلعالارعا بەرىلگەن نەسيەلەر بىردەن %19 ارتقان. ال تۇتىنۋشىلىق نەسيە ءبىر جىلدا %14,9 وسكەن.
بانكتەر كليەنت تارتۋ ءۇشىن قوسىمشا اكتسيالاردى كوبىرەك قولدانا باستاعان. كەيبىر بانك اپتا سايىن اۆتوموبيل ۇتىس ويىنىن جاريالاسا، ەندى ءبىرى زەينەتكەرلەر اراسىندا لوتەرەيا وتكىزۋدە.
ەسكە سالا كەتەيىك، ەڭ ءىرى ون بانكتىڭ اراسىندا تۇتىنۋشىلىق نەسيەلەر بويىنشا مينيمالدى ءبىر جىلدىق ءتيىمدى مولشەرلەمەنى ForteBank ۇسىنىپ وتىر - %0,1. ەكىنشى ورىندا حالىق بانكى تۇر. مۇندا كليەنتتىڭ ءومىرى ساقتاندىرىلعان جاعدايدا مولشەرلەمە - %1. ۇزدىكتەر ۇشتىگىندە، سونداي- اق اتفبانك بار - %17,2.
اۆتور: دانيار داۋىتاليەۆ