ەفيوپيادا قۇلاعان ۇشاقتىڭ ىشىندە ب ۇ ۇ 19 قىزمەتكەرى بولعان

بۇل تۋرالى قازاقپارات ب ۇ ۇ جاڭالىقتارىنا سىلتەمە جاساپ حابارلايدى.

ب ا ق- تىڭ اقپاراتىنا سايكەس، جەكسەنبى تاڭەرتەڭ ادديس-ابەبتان نايروبيگە بەت العان «ەفيوپيا اۋە جەلىلەرى» اۋە كومپانياسىنىڭ بوينگ 737 ۇشاعى دەبرە-زەيت قالاسىنا جاقىن جەردە اپاتقا ۇشىرادى. اۋە لاينەرىنىڭ بورتىندا 157 ادام بولعان، سونىڭ ىشىندە سەگىزى - ەكيپاج مۇشەسى. الدىن الا اقپارات بويىنشا، امان قالعاندار جوق.

سونداي-اق، مەرت بولعاندار اراسىندا ب ۇ ۇ جۇيەسى مەكەمەلەرىنىڭ 19 قىزمەتكەرى، سونىڭ ىشىندە حالىقارالىق كوشى-قون ۇيىمدارى، دۇنيەجۇزىلىك ازىق-تۇلىك باعدارلاماسى، ب ۇ ۇ بوسقىندار ءىسى جونىندەگى باسقارماسى، ب ۇ ۇ قورشاعان ورتا باعدارلاماسى جانە دۇنيەجۇزىلىك بانك قىزمەتكەرى بولعان.

ءوز كەزەگىندە باس حاتشى قازا تاپقانداردىڭ تۋىستارى مەن جاقىندارىنا، ب ۇ ۇ قىزمەتكەرلەرى وتباسىلارىنا، ەفيوپيا ۇكىمەتى مەن حالقىنا كوڭىل ايتتى.

ق ر سىرتقى ىستەر مينيسترلىگىنىڭ باسپا ءسوز قىزمەتى ۇشاق بورتىندا قازاقستاندىقتاردىڭ جوق ەكەندىگىن راستادى.

ەسكە سالا كەتەيىك، ەفيوپيادا Ethiopian Airlines اۋە كومپانياسىنىڭ نايروبيگە بارا جاتقان ۇشاعى اپاتقا ۇشىراعاندىعى تۋرالى بۇعان دەيىن حابارلاعان بولاتىنبىز.