سيرەك كەزدەسەتىن 19 كاراتتى القىزىل گاۋھارتاس ءباسساۋداعا قويىلدى

استانا. قازاقپارات - اۋكسيون ءۇيى كەلەسى ايدا «ال قىزىل مۇرا» اتتى گاۋھارتاستى ءباسساۋداعا شىعارىپ، 50 ميلليون دوللارعا ساتۋدى كوزدەپ وتىر، دەپ حابارلايدى «حابار 24».

 مامانداردىڭ ايتۋىنشا، وڭتۇستىك افريكالىق وپپەنگەيمەر اۋلەتىنە تيەسىلى اسىل تاس وتە ەرەكشە. «سەبەبى سالماعى 19 كارات بولاتىن اسىل تاستىڭ تازالىعى مەن مولدىرلىگى، بەدەرى مەن كولەمى ادامعا كەرەمەت اسەر قالدىرادى»، - دەيدى ولار.

 Christie's اۋكسيون ءۇيىنىڭ وكىلى دەۆيد ۋوررەن مۇنداي گاۋحارتاستى سوڭعى 40 جىلدا العاش رەت كەزدەستىرىپ وتىرعانىن ايتادى.

دەۆيد ۋوررەن، Christie's اۋكتسيون ءۇيىنىڭ وكىلى:

 - ال قىزىل ءتۇستى گاۋھارتاس ءۇشىن 19 كارات وتە ۇلكەن سالماق. سوڭعى 250 جىلدا اۋكسيون ارقىلى سالماعى 10 كاراتتان اساتىن وسىنداي تەك 4 اسىل تاس قانا ساتىلدى.

www.24.kz