19:51, 18 - ءساۋىر 2018 | GMT +5
استانانىڭ مەرەيتويىن وتكىزۋگە 19 ميلليارد تەڭگەگە جۋىق اقشا قاراستىرىلعان
استانا. قازاقپارات - سەناتتا 2018-2020-جىلدارعا ارنالعان رەسپۋبليكالىق بيۋجەتكە وزگەرتۋلەر ەنگىزۋ ماسەلەسىن تالقىلاۋ بارىسىندا استانانىڭ 20 جىلدىق مەرەيتويىنا قانشا اقشا جۇمساۋ جوسپارلانىپ وتىرعانى ايتىلدى، - دەپ حابارلايدى Tengrinews.kz ءتىلشىسى.
«بىزدە جالپى استانانىڭ مەرەيتويى اياسىندا 85 ءىس-شارا وتكىزۋ جوسپارلانىپ وتىر. وعان 18 ميلليارد 800 ميلليون تەڭگە ءبولىندى. قارجى ءمينيسترى بىزگە تولىقتاي قولداۋ كورسەتتى. وسى ءىس-شارالاردى لايىقتى وتكىزەمىز دەپ سەنەمىز»، - دەدى مادەنيەت جانە سپورت ۆيتسە-ءمينيسترى ساكەن مۇسايبەكوۆ دەپۋتاتتارعا.
سەناتور مۇرات باقتيار ۇلى ءوز كەزەگىندە بۇل قاراجاتتى باسقا دۇنيەلەرگە جۇمساۋ ءجون بولاتىنىن ايتتى.
«تاپسىرما بار. استانانىڭ 20 جىلدىعىن تويلاۋعا قاتىستى ءىس-شارالار جىل بويى وتكىزىلىپ، بۇكىل وڭىردە اتاپ وتىلەدى. ءتۇرلى كەشتەر وتكىزىلەدى. ءىس-شارالار ءبىر جىل بويى وتەدى»، - دەپ جاۋاپ بەردى قارجى ءمينيسترى باقىت سۇلتانوۆ دەپۋتاتقا.
