الاياقتىق جاساعان ايەل استانادا 19 جىل وتكەننەن كەيىن ۇستالدى
استانا قالالىق پروكۋراتۋراسى حابارلاعانداي، 1998-جىلى الاياق ايەل تانىسىنا تيەسىلى ءۇش بولمەلى پاتەردىڭ قۇجاتىن قولدان جاساپ، ءۇشىنشى تۇلعاعا ساتىپ جىبەرگەن.
وسىلايشا، ول جابىرلەنۋشىگە اسا ءىرى كولەمدە ماتەريالدىق زالال كەلتىرىپ، اۋىر قىلمىس جاساعان. ءدال سول جىلى الاياقتىق فاكتىسى بويىنشا قىلمىستىق ءىس قوزعالىپ، سوتقا جىبەرىلگەن.
الايدا، كۇدىكىنىڭ ءىزىن سۋىتۋىنا بايلانىستى، ۇكىم شىعارىلماي قالعان. ونىڭ قايتىس بولعانى تۋرالى جالعان كۋالىك قۇزىرەتتى ورگانداردىڭ جۇمىس جاساۋىنا ۋاقىتشا كەدەرگى كەلتىرەدى.
سونىڭ سالدارىنان وعان تەك 2006-جىلى عانا ىزدەۋ سالىنعان. ونىڭ قىلمىستىق قۋدالاۋ ورگاندارىنان ۇزاق ۋاقىت بويى قالاي جاسىرىنىپ كەلگەنىن ەشكىم بىلمەيدى.
مۇمكىن، وسى ۋاقىت ىشىندە سىرت كەلبەتىنىڭ وزگەرۋى دە اسەر ەتكەن شىعار، الايدا ول 2017-جىلدىڭ ناۋرىز ايىندا ۇستالىپ، 12№ تەرگەۋ وقشاۋلاعىشىنا قامالدى. قازىر ول سوتتى كۇتۋدە.
