اقتوبەدەگى لاڭكەستىك وقيعاعا قاتىسى بار 19 سوتتالۋشىعا راقىمشىلىق جاسالدى

ەسكە سالايىق، اقتوبەدەگى لاڭكەستىك وقيعا اعىمداعى جىلدىڭ ماۋسىم ايىندا ورىن العان بولاتىن، دەپ حابارلايدى قازاقپارات ءتىلشىسى.
سوتتالعاندانداردىڭ ادۆوكاتتارى اپەللياتسيالىق شاعىمىندا ايىپتالۋشىلاردىڭ كىنالارىن مويىنداپ، ءىس- ارەكەتتەرىنە وكىنەتىندەرىن جانە وتباسى جاعدايىن ەسكەرە وتىرىپ، جازالارىن جەڭىلدەتۋدى سۇراعان بولاتىن.
سوت القاسىنىڭ قاۋلىسىمەن 19 سوتتالۋشىنىڭ جازا مەرزىمىنىڭ وتەلمەگەن بولىگىنىڭ تورتتەن ءبىرى قىسقارتىلدى. تاۋەلسىزدىكتىڭ 25 جىلدىعىنا بايلانىستى جاسالعان راقىمشىلىققا ىلىنگەندەر بۇعان دەيىن قر قىلمىستىق كودەكستىڭ قىلمىستى جاسىرىپ قالۋ، قىلمىس تۋرالى حابارلاماۋ باپتارى بويىنشا سوتتالعان ەدى.
سوت القاسىنىڭ قاۋلىسىمەن 19 سوتتالۋشىنىڭ جازا مەرزىمىنىڭ وتەلمەگەن بولىگىنىڭ تورتتەن ءبىرى قىسقارتىلدى. تاۋەلسىزدىكتىڭ 25 جىلدىعىنا بايلانىستى جاسالعان راقىمشىلىققا ىلىنگەندەر بۇعان دەيىن ق ر قىلمىستىق كودەكستىڭ قىلمىستى جاسىرىپ قالۋ، قىلمىس تۋرالى حابارلاماۋ باپتارى بويىنشا سوتتالعان. ال تەرروريستىك توپتىڭ مۇشەلەرى ابراحمانوۆ، قۋانىشبايەۆ، اقپانبەتوۆ، راحمەتوۆ، قۋانىشبايەۆ، ساديحوۆ، تاڭاتاروۆ، يمانعاليەۆ جانە نۇرمۇحانوۆقا قاتىستى ۇكىم وزگەرىسسىز قالدىرىلدى. ولارعا تەرروريستىك قىلمىستار جاساعانى ءۇشىن ءومىر بويى باس بوستاندىعىنان ايىرۋ جازاسى تاعايىندالعان بولاتىن. لاڭكەستىك قىلمىس جاساعانى ءۇشىن سوتتالعاندار جۇبانوۆ، سەيتقاليەۆ جانە ۋتەپوۆتەر اپەللياتسيالىق شاعىم كەلتىرمەگەن.
سوت قاۋلىسى شىعارىلاتىن عيمارات ماڭىن بۇگىن دە پوليتسەيلەر قورشاپ، ساقتىق شارالارى كۇشەيتىلدى.
ەستەرىڭىزگە سالساق، ماۋسىمداعى تەراكتىنى ۇيىمداستىرىپ، قاتىسقانداردىڭ جەتەۋى ءومىرىنىڭ اقىرىنا دەيىن اباقتىعا جابىلعان بولاتىن. ال ەكەۋى ۇزاق مەرزىمگە سوتتالدى.
زادا زەيىن