عارىش اپپاراتتارىن قۇراستىرۋ كەشەنىنە قوسىمشا 19 ميلليارد تەڭگە بولىنەدى
بۇل تۋرالى بۇگىن ق ر پارلامەنتى ءماجىلىسىنىڭ دەپۋتاتى گلەب شەگەلسكي ءمالىم ەتتى.
«كەشەن قازىر سالىنۋدا. ونىڭ باسىمدىعى سول، ءبىز مۇلدەم جاڭا عارىش اپپاراتتارىن، جەرسەرىكتەرىن قۇراستىرۋشىسى اتاناتىن بولامىز»، - دەدى ول.
قازىرگى ۋاقىتتا سىناق جاساۋ كەشەنىنە جەرسەرىكتەردى مونتاجداۋدى اياقتاۋ ماقساتىندا بەلگيالىق، فرانسيالىق جانە انگليالىق قۇرال- جابدىقتار اكەلىندى.
«بيۋدجەتتى ناقتىلاۋ بارىسىندا 2016 -جىلى قوسىمشا 2,6 ميلليارد تەڭگە ءبولىندى. 2017 -جىلى اتالعان باعىتتاعى جۇمىستاردى جالعاستىرۋ ءۇشىن تاعى 16,3 ميلليارد تەڭگە قاجەت»، - دەدى شەگەلسكي.
ءوز كەزەگىندە «قازاقستان عارىش ساپارى» ۇلتتىق كومپانياسىنىڭ پرەزيدەنتى مارات نۇرعوجين، عارىش اپپاراتتارىن قۇراستىراتىن اتالمىش كاسىپورىن بۇكىل ت م د- دا بالاماسى جوق بىرەگەي جوبا ەكەندىگىن اتاپ ءوتتى. ونىڭ قۇرىلىسى ەۋروپالىق ستاندارتتار نەگىزىندە جۇرگىزىلۋدە.
