قازاقستاندا 19 كيىككە سپۋتنيكتىك مويىنباۋلار تاعىلادى
2016 -جىلدىڭ 22 - قىركۇيەگىنەن 20 - قازانى ارالىعىندا قازاقستاندا بيوالۋاندىق ساقتاۋ قاۋىمداستىعى بيولوگيالىق قاۋىپسىزدىك پروبلەمالارى عىلىمي- زەرتتەۋ ينستيتۋتىمەن جانە «وحوتزووپروم» ءو ب- مەن بىرلەسە بەتپاقدالا، ورال جانە ءۇستىرت تارالىمىنداعى كيىكتەردى اۋلاپ، سپۋتنيكتىك قۇرىلعىمەن تاڭبالاماق.
وسى ورايدا جاڭادان 19 سپۋتنيكتىك قۇرىلعىنى بەكىتۋ جوسپارلانىپ وتىر. بۇل شارالاردىڭ ماقساتى كيىكتەر مەكەن ەتىپ جۇرگەن القاپتاردى تىڭعىلىقتى زەرتتەۋگە، سونداي- اق جانۋارلاردى قورعاۋ سالاسىنداعى تيىمدىلىكتى ارتتىرۋعا نەگىزدەلگەن.
مۇنىمەن قوسا، مويىنباۋلاردى بەكىتۋمەن قاتار، كيىكتەردىڭ اۋرۋلارىن تەرەڭدەتىپ زەرتتەۋ باعىتىندا قان سىناماسى جانە باكتەريالىق تەكسەرۋلەر جۇرگىزۋگە قاجەتتى ماتەريالدار الىنادى. وسى جۇمىستاردى قولداۋ ءۇشىن لوندون ۋنيۆەرسيتەتىنىڭ كورولدىك ۆەتەرينارلىق كوللەدجىنىڭ وكىلى ارنايى كەلمەك.
اتاپ ايتقاندا، قازاقستاندا كيىكتەردى سپۋتنيكتىك تاڭبالاۋ جۇمىستارى 2009 -جىلدان بەرى جۇرگىزىلۋدە. وسى ۋاقىتتا بارلىق ءۇش تارالىمدا 103 قۇرىلعى ورناتىلدى.
سپۋتنيكتىك مويىنباۋلار 2,5 جىلعا ورناتىلادى، وسىدان كەيىن ول جانۋاردان اۆتوماتتى تۇردە اعىتىلادى. اعىمداعى جىلى Globalstar سپۋتنيكتىك جۇيەسىمەن GPS Plus Collar مودەلىنىڭ قۇرىلعىلارى جانە Indium جۇيەسىمەن Tellus Medium Colarco اپپاراتتارى پايدالانىلادى.
