00:05, 05 - قىركۇيەك 2016 | GMT +5
قىرعىزستان پرەزيدەنتىنىڭ 19 جاستاعى قىزى تۇرمىسقا شىقتى
استانا. قازاقپارات - قىرعىستان پرەزيدەنتى المازبەك اتامبايەۆتىڭ قىزى ءاليا شاعيەۆا Instagram جەلىسىندە كوستيا ەسىمدى جاس جىگىتپەن بىرگە تۇسكەن سۋرەتىن جاريالادى.
«مەن ءبىر-ءبىرىن اينالىپ-تولعانىپ بىرگە ءتۇسىپ جاتاتىن جۇپتاردىڭ ارەكەتىن ەرسى كورەم. كوستيا ەكەۋمزدىڭ 4 جىل قاتىناسىمىزدا بىرگە تۇسكەن سۋرەت بولماپتى. مەن كوپشىلىككە جەكە ءومىرى جايلى جاريا قىلعاندى دا جەك كورەم. ءبىراق، بۇگىنگىدەي كەرەمەت كۇندە كۇلە تۇرىپ سۋرەتكە ءتۇسۋدىڭ ءساتى ءتۇستى. ءبىز ەندى ەرلى-زايىپتىمىز. قۇتتىقتاۋلارىڭىزدى قابىلداۋعا دايىنبىز»، - دەيدى شاعيەۆا.
قىرعىستان پرەزيدەنتىنىڭ اپپاراتى بۇل اقپاراتتى راستادى. شاعيەۆا 19 جاستا. ول ناۋرىز ايىندا «سانتەررا» داۋن سيندرومىمەن اۋىراتىن بالالاردىڭ اتا-انالارىنىڭ قوعامدىق قورىنا 200 مىڭ سوم قاراجاتتى قايىرىمدىلىققا جۇمساعان. بۇل قاراجات ونىڭ كارتينالارىنان تۇسكەن تابىسى ەكەن.
