10:17, 10 - شىلدە 2016 | GMT +6
جانقوش تۇراروۆ كاسىبي رينگتە 19- جەڭىسىنە قول جەتكىزدى
استانا. قازاقپارات - 25 جاستاعى قازاقستاندىق بوكسشى جانقوش تۇراروۆ كاسىبي رينگتە 40 جاستاعى برازيليالىق دانيەل سوۋز سانتوسقا قارسى ءوزىنىڭ 19- جەكپە-جەگىن وتكىزدى (15-11-0, 12 ك و).
تورەشىلەردىڭ ءبىراۋىزدى شەشىمىمەن قازاقستاندىق بوكسشى جەڭىمپاز اتاندى. جەكپە-جەك نيۋ-دجەرسيدە ورتا سالماقتا ءوتتى جانە بوكسەرلىك كەشتەگى 10 ايقاستىڭ ءبىرى بولدى.
ايتا كەتەيىك، ج. تۇراروۆ ءوز سپورتتىق جولىندا وسىعان دەيىن 18 رەت جەكپە-جەككە شىققان. بۇگىنگى ايقاستان كەيىن ول 19- جەڭىسىنە قول جەتكىزىپ وتىر. 13 جەكپە-جەكتى ۋاقىتىنان بۇرىن اياقتاعان.
جانقوش تۇراروۆ (1990-جىلى 20- قاراشادا جامبىل وبلىسىندا دۇنيەگە كەلدى) - قازاقستاندىق كاسىپقوي بوكسشى، كوپتەگەن حالىقارالىق تۋرنيرلەردىڭ جەڭىمپازى، 2009-جىلدىڭ 6- اقپان كۇنى الماتى قالاسىندا كاسىپقوي بوكستاعى العاش جەكپە-جەگىن وتكىزدى.
جارتىلاي ورتا سالماق (د و 66,7 ك گ)
ProRecord: 19 كەزدەسۋ، 19 جەڭىس (ك و 13)، 0 جەڭىلىس.
NBA تۇجىرىمى بويىنشا الەم چەمپيونى!
اۆتور: كۇنسۇلتان وتارباي