17:17, 06 - شىلدە 2016 | GMT +6
استانا اۋەجايىندا 19 جاستاعى بويجەتكەندى پوليتسەيلەر شۋ شىعارعانى ءۇشىن ۇشاقتان ءتۇسىرىپ الىپ قالدى
استانا. قازاقپارات - كولىك پوليتسەيلەرى «استانا-ىستامبۇل» باعىتىنداعى اۋە رەيسىنەن ىشىمدىك ىشكەن 19 جاستاعى قوستاناي وبلىسىنىڭ تۇرعىنىن ءتۇسىرىپ تاستادى، دەپ حابارلادى ق ر ءى ءى م كولىكتەگى ءى ءى د باسپا ءسوز قىزمەتىنەن.
«4- شىلدەدە ساعات 18:50 استانا ق. اۋەجايىنداعى پوليتسيانىڭ جەلىلىك بولىمىنە «ەير استانا» ا ق اگەنتىنەن «استانا-ىستامبۇل» باعىتىنداعى اۋە كەمەسىنىڭ بورتىندا ءتارتىپسىز جولاۋشى بار ەكەنى تۋرالى حابار ءتۇستى. ول قوستاناي وبلىسىنىڭ 19 جاستاعى تۇرعىنى بولىپ شىقتى. ازاماتشا اششى سۋدى پايدالانعان»، - دەلىنگەن حابارلامادا.
ماس كۇيدە بولعان ول تارتىپسىزدىككە بارىپ، ەسكەرتۋلەردى ەلەمەگەن. قىزدى اتالعان رەيستەن ءتۇسىرىپ تاستادى.
مەديتسينالىق تەكسەرۋ قورىتىندىسىنا سايكەس، قۇقىقبۇزۋشى ورتاشا دارەجەدە ماس بولعان.
استانا ق. اۋەجايىنداعى پوليتسيانىڭ جەلىلىك ءبولىمىنىڭ قىزمەتكەرلەرى ق ر ا ك ب ت ك 440-بابى 1-بولىمىنە سايكەس اكىمشىلىك حاتتاما تولتىردى.