00:06, 08 - ناۋرىز 2016 | GMT +5
ا ق ش- تىڭ مەملەكەتتىك قارىزى 19 تريلليون دوللاردان استى
استانا. قازاقپارات - ا ق ش- تىڭ قارىزى 19 تريلليون دوللاردان استى. ونىڭ شامامەن ۇشتەن ءبىرى ستۋدەنتتىك نەسيەلەرگە تيەسىلى.
بۇل جايت جەرگىلىكتى تۇرعىنداردى قاتتى الاڭداتىپ وتىر، دەپ حابارلايدى 24.kz تەلەارناسى.
ولار قارىزدىڭ كوبەيۋىنە امەريكالىقتاردىڭ وزگە مەملەكەتتەردەگى اسكەري وپەراتسيالارعا قاتىسۋى سەبەپ دەيدى. بەرەشەك كولەمى ەلدىڭ جىلدىق جالپى ىشكى ونىمىنەن اسىپ كەتكەن. ال ەكونوميستەردىڭ بولجامى كوڭىل كونشىتپەيدى. ولاردىڭ ايتۋىنشا، نەسيە العان ستۋدەنتتەردىڭ جۇمىسقا تۇرىپ، قارىزدى قايتارۋى ەكىتالاي. ويتكەنى بۇگىندە ا ق ش- تىڭ ەڭبەك نارىعىندا بوس ورىندار ازايىپ، ەڭبەككەرلەردىڭ جالاقىلارى تومەندەپ كەتكەن.
