شىعىس قازاقستاندا مۇراجاي 19- عاسىرداعى سيرەك جادىگەرلەرمەن تولىقتى

وسكەمەن. قازاقپارات - شىعىس قازاقستان وبلىستىق مۇراجاي قورىعىنىڭ قورى 19- عاسىردىڭ بىرەگەي كوللەكتسياسىمەن تولىقتى.

كوللەكتسيانى تاپسىرۋشى كونە قۇلپىلاردى پاۆلودار جانە شىعىس قازاقستان وبلىستارىنان تاپقان. كەيبىرى ەجەلگى قۇندىلىقتاردى جيناۋشىلاردان ساتىپ الىنعان.

مۇراجايدىڭ عىلىمي قىزمەتكەرى ناتاليا چەستنەيشينانىڭ ايتۋىنشا، جادىگەر دەپ تانىعانعا دەيىن قۇلىپتار پايدالانىلىپ كەلگەن.

تاپسىرىلعان كوللەكتسيا 40 زاتتان تۇرادى، اتاپ ايتساق، پاتشالىق رەسەيدە 19- عاسىردا دايىندالعان اسپالى قۇلىپتار مەن كىلتتەر.