جاس اكىمدەردىڭ سانى 19 پايىزعا ارتتى - ۆيتسە-ءمينيستر
بۇل تۋرالى بۇگىن ورتالىق كوممۋنيكاتسيالار قىزمەتىندە ق ر ءبىلىم جانە عىلىمي ۆيتسە-ءمينيسترى تاكير بالىقبايەۆ ءمالىم ەتتى.
ونىڭ سوزىنە قاراعاندا، قازىرگى ۋاقىتتا قازاقستان حالقىنىڭ 4,5 ميلليونى 14 پەن 29 جاس ارالىعىنداعى جاستار بولىپ تابىلادى. ولاردىڭ 2,2 ميلليون جۇمىس ىستەسە، 1,8 ميلليون وقيدى. ۆيتسە-ءمينيستردىڭ ايتۋىنشا، جاستار ساياساتى ءوزىنىڭ جەمىسىن بەرۋدە، ەلدە جاستار اراسىنداعى جۇمىسسىزدىق سانى 5,5 پايىزدان 4,5 پايىزعا دەيىن تومەندەگەن. 2014 -جىلدىڭ ءبىرىنشى جارتىجىلدىعىنداعى جاعدايمەن سالىستىرعاندا جاستار اراسىنداعى قىلمىس سانى 10,7 پايىزعا ازايدى.
«جاستاردىڭ سايلاناتىن بيلىك ورگاندارىنداعى ۇلەسى دە ارتۋدا. ەلدەگى 29 جاسقا دەيىنگى جاس اكىمدەردىڭ سانى 143 كە جەتتى. بۇل 2013 -جىلمەن سالىستىرعاندا 19 پايىزعا جوعارى»، - دەپ اتاپ ءوتتى ول.
ت. بالىقبايەۆ اتاپ كورسەتكەنىندەي، قازاقستاندا كەلەسى جىلى جاستاردىڭ رەسپۋبليكالىق جانە ايماقتىق فورۋمدارى ۇيىمداستىرىلادى. ولار جاستار ساياساتى تالقىلاناتىن ارنايى فورۋمدار بولماق.
اۆتور: جاسۇلان جولدىبايەۆ
