ءبىر جاسىندا كۇيەۋگە بەرىلگەن قىز 19 عا كەلىپ اجىراستى

استانا. قازاقپارات - ءۇندىستانداعى دجودحپۋر قالاسىنىڭ تۇرعىنى سانتاديەۆي مەگحۆال 1 جاسقا تولعان شاعىندا نەكەسى قيىلعان.

اراعا 18 جىل سالىپ ول اتالعان نەكەنىڭ زاڭسىز بولعاندىعىن دالەلدەپ، كۇيەۋىمەن اجىراستى دەپ جازادى The Daily Mail.

11 ايلىق مەگحۆال مەن 9 جاسار ساانۆال رامدى 1997-جىلى اتا-انالارى اتاستىرىپ، نەكەلەرىن قيعان. الايدا، قالىڭدىق قىز بوي جەتكەن شاقتا نەكەنىڭ زاڭسىز ورىن العانىن ءتۇسىنىپ، سوت ارقىلى اجىراستى. مۇنداي نەكەلەر ءۇندىستاندا قالىپتى جاعداي بولعاندىقتان سوت پروتسەسى اۋىر وتكەن جانە 2 جىلعا سوزىلعان.

مەگحۆال ءوزىنىڭ نەكەلەسكەنىن 2013-جىلى عانا ءبىلىپتى. بۇل كەزدە ونىڭ اكەسى قىزعا جاعدايدى ايتىپ، رامنىڭ ۇيىنە كوشۋىن تالاپ ەتكەن. الايدا، بويجەتكەن اتا-اناسىنىڭ شەشىمىنە قارسى شىعىپ، كۇيەۋگە شىقپايتىنىن مالىمدەدى.

سۋديا قىزدىڭ تالاپ-ارىزىن ورىنداعانىمەن، جەرگىلىكتى زاڭعا سايكەس ول 1,6 ميلليون رۋپي (23 مىن ەۋرو) ايىپپۇل تولەيتىن بولدى. سونداي-اق، مەگحۆال ءداستۇردى سىيلاماعانى ءۇشىن ءوز تۋىستارىنىڭ اراسىنان قۋىلدى.

بويجەتكەننىڭ سوتتا جەڭىپ شىعۋىنا Saarthi Trust بەلسەندىلەر ۇيىمى كومەكتەسكەن. ولار 2012-جىلى ءۇندىستاندا ءدال وسىنداي 27 جۇپتى اجىراستىرعان. ال، مەگحۆان بولسا وقۋىن اياقتاپ، جەرگىلىكتى مەكتەپتە ءمۇعالىم بولۋدى جوسپارلاپ وتىر.

Baq.kz