قىرعىزستاندا 19 قازاقستاندىق كاسىپورىن ءوز ونىمدەرىن تانىستىردى - فوتو
قىرعىزستان ساۋدا وندىرىستىك پالاتاسىنىڭ ءبىرىنشى ۆيتسە-پرەزيدەنتى امانگەلدى داۋلەتاليەۆتىڭ پىكىرىنشە، قىرعىز رەسپۋبليكاسىنىڭ كەدەندىك وداققا كىرۋى قارساڭىندا بيزنەس جوبالاردى دامىتۋ مەن ەكونوميكانى ءارتاراپتاندىرۋ سالاسىنداعى قازاقستاندىقتار تاجىريبەسىنىڭ ماڭىزى زور.
بيزنەس-فورۋمنىڭ اشىلۋ سالتاناتىنا قىرعىزستانداعى ق ر توتەنشە جانە وكىلەتتى ەلشىسى بەيبىت يسابايەۆ، قىرعىزستان ەكونوميكا ءمينيسترى تەمىر ساريەۆ، قىرعىزستان ساۋدا وندىرىستىك پالاتاسىنىڭ پرەزيدەنتى مارات شارشەكەيەۆ قاتىستى.
ەسكە سالا كەتسەك، 2012-2013-جىلدارى وتكەن فورۋمداردىڭ قورىتىندىسى بويىنشا قازاقستاندىق جانە قىرعىزستاندىق كاسىپكەرلەر اراسىندا 12 ميلليون ا ق ش دوللارى كولەمىندەگى كەلىسىم-شارتتارعا قول قويىلعان بولاتىن.
رەسمي اشىلۋ سالتاناتىنان كەيىن بيزنەس-فورۋمعا قاتىسۋشىلارعا « Eurocopter قازاقستان ينجينيرينگ» ج ش س جانە ت و و «قازورمان» ج ش س كومپانياسىنىڭ بەينە تانىستىرىلىمى ۇسىنىلدى. وندا EC145 ماركالى تىكۇشاقتاردى قۇراستىرۋ جانە ساتۋ بويىنشا، سونىمەن قاتار اعاشتى قايتا وڭدەۋ، تۇرعىن ۇيلەردى سالۋ تەحنولوگيالارىنداعى جەتىستىكتەر كورسەتىلدى.
