10:44, 20 - تامىز 2014 | GMT +5
قازاقستان شەكاراسىنان 19 توننا قارا مەتالل الىپ وتپەك بولعان ازامات ۇستالدى
استانا. قازاقپارات - قازاقستان-رەسەي شەكاراسىندا شەكاراشىلار 19 توننا قارا مەتالدى زاڭسىز الىپ وتپەك بولعان ازاماتتى ۇستادى، دەپ حابارلايدى ق ر ۇ ق ك شەكارا قىزمەتىنەن.
«اقتوبە شەكارا وتريادىنا قاراستى «جايساڭ» شەكارالىق باقىلاۋ بولىمشەسىنىڭ باقىلاۋشىلارى رەسەي فەدەراتسياسىنىڭ ازاماتىن ۇستادى. اتالعان ازامات «م ا ن» اۆتوكولىگىنە 19 توننا قارا مەتالدى تيەپ، ونى شەكارادان زاڭسىز وتكىزۋگە ارەكەتتەنگەنى بەلگىلى بولدى»، دەلىنگەن حابارلامادا.
تەكسەرە كەلگەندە، رەسەيلىك ازاماتتىڭ اتالعان جۇكتى قازاقستان رەسپۋبليكاسىنىڭ اۋماعىنان تىسقارى جەرگە الىپ وتۋگە قاجەتتى قۇجاتتار بولماي شىقتى.
ۇستالعان جۇك پەن ازامات مارتوك اۋداندىق ىشكى ىستەر بولىمىنە بەرىلدى.
