يتالياعا باعىت العان 19 زاڭسىز بوسقىن كەمەدە تۇنشىعىپ ءولدى

استانا. قازاقپارات - يتاليالىق قۇتقارۋشىلار سولتۇستىك افريكادان بىرنەشە جۇزدەگەن ميگرانتتاردى تاسىمالداعان كەمەدە قازا بولعان 19 ادامنىڭ دەنەسىن تاپتى، دەپ جازادى بي-بي-سي.

يتاليالىق ب ا ق- تىڭ مالىمەتىنشە، ولار قوزعالتقىشتان شىققان تۇتىننەن تۇنشىعىپ ولگەن. كەمەدەگى ەكى ادام اۋرۋحاناعا جاتقىزىلدى.

ماۋسىمدا 45 ادام وسىعان ۇقساس جاعدايدا اجال قۇشقان ەدى.

 يتاليا بيلىگىنىڭ حابارلاۋىنشا، وتكەن جىلى يتاليانىڭ وڭتۇستىگىنە 60 مىڭنان استام ميگرانت كەلىپ توقتاعان. 2014 - جىلدىڭ قورتىندىسى بويىنشا وسى ەلدىڭ وڭتۇستىگىنە كەلەتىن زاڭسىز ميگراتسيانىڭ جاڭا رەكوردى ورناتىلۋى مۇمكىن.

اۆتور: رۋسلان عابباسوۆ