15:55, 28 - مامىر 2014 | GMT +5
ەكى باستى بالا 19 كۇن عانا ءومىر ءسۇردى
استانا. قازاقپارات - اۆستراليادا 8 - مامىر كۇنى تۋعان ەكى باستى قىز ون توعىز كۇن وتكەن سوڭ جان تاپسىردى. سيدنەيدە تۇراتىن رەنە مەن سايمون حوۋي وتباسىلىق جۇبى بالا ومىرگە كەلمەي تۇرىپ نارەستەنىڭ وسىنداي كۇردەلى اۋرۋمەن تۋاتىنىنان حاباردار بولعان. سوعان قاراماستان، ايەل تۇسىك جاساتپاعان،
دەپ حابارلادى Metro.
دارىگەرلەردىڭ ەسكەرتۋىنە قاراماستان، رەنە مەن سايمون حوۋيلەر وزدەرىنىڭ بالالارىنىڭ ومىرگە كەلۋىن قالايتىنىن مالىمدەگەن بولاتىن.
جاڭا تۋعان ەگىز نارەستەگە اتا- اناسى سەنىم جانە ءۇمىت دەگەن ەسىمدەر بەرگەن. ولاردىڭ باسى ەكەۋ، الايدا دەنەسى بىرەۋ عانا بولىپ جاراتىلعان. دارىگەرلەردىڭ ايتۋىنشا، وسىنداي كۇردەلى اۋىتقۋشىلىقپەن بالانىڭ 19 كۇن ءومىر ءسۇرۋىنىڭ ءوزىن رەكوردتىق كورسەتكىش دەپ اتاۋعا بولادى
ەكى باستى بالالار دۇنيەگە سيرەك كەلەدى. تاريحتا وسىعان ۇقساس 35 جاعداي تىركەلگەن. وسىنداي اقاۋمەن ءۇندىستاندا اقپان ايىندا ءبىر بالا دۇنيەگە كەلگەن.
