ءبىز ءۇشىن جاڭا ءداۋىردىڭ اراي تاڭى 1991 -جىلى 16 - جەلتوقساندا اتتى - ن. نازاربايەۆ
«قىمباتتى قازاقستاندىقتار، قۇرمەتتى سالتاناتتى جيىنعا قاتىسۋشىلار! بارشاڭىزدى «ۇلى دالا» ەلىنىڭ ۇلىق مەرەكەسى تاۋەلسىزدىك كۇنىمەن شىن جۇرەكتەن قۇتتىقتايمىن! ءبىز بۇگىن ازاتتىقتىڭ ەكىنشى مۇشەلىنە، 25 -جىلدىعىنا اياق باستىق. ءاربىر ەلدىڭ جىلناماسىندا ونىڭ جاڭا تاريحىنىڭ باستاۋى بولعان تاعدىركەشتى تاڭدار بولادى. ءبىز ءۇشىن جاڭا ءداۋىردىڭ اراي تاڭى 1991 -جىلى 16 - جەلتوقساندا اتتى. سول كۇنى الەم كوگىندە قازاقستان رەسپۋبليكاسى اتتى ماڭگىلىك جۇلدىز جارقىراپ تۇردى. تۇتاس داۋىرلەردىڭ كۋاسى بولعان حالقىمىز سان عاسىرلار بۇرالاڭ ءارى قيىن جولمەن ءجۇرىپ ءوتتى» ، - دەدى ەلباسى.
ق ر پرەزيدەنتى ءوز سوزىندە ادام بالاسى سياقتى مەملەكەت تە ومىرىندە ەكى عۇمىرلىق بوساعادان اتتايتىندىعىن ايتتى.
«ءبىرىنشىسى - جارىق دۇنيەنىڭ ەسىگىن اشۋ. ەكىنشىسى - ەرەسەك ءومىردىڭ تابالدىرىعىن باسۋ. ەكەۋى دە قايتالانباس قاستەرلى مەزەتتەر. بۇل - ءابۋ ناسىر ءال- ءفارابيدىڭ ورامدى ايتىپ كەتكەن ءسوزى، ونەگەلى وسيەتى. بيىل، مىنە، وسىناۋ رۋحى اسقاق، تۇعىرى بيىك ءتول مەملەكەتىمىزگە 24 جىل تولدى. قاراپايىم تىلمەن ايتقاندا، ناعىز ەردىڭ جاسىندا، ۇلى ماقساتتاردىڭ باسىندا تۇرمىز» ، - دەدى مەملەكەت باسشىسى.
اۆتور: مارلان جيەمباي
