19:56, 14 - اقپان 2023 | GMT +6
تۇركياداعى جەر سىلكىنىسى. 198 ساعاتتان كەيىن دە ءتىرى قالعاندار تابىلىپ جاتىر
استانا. قازاقپارات - تۇركيادا جەر سىلكىنىسىنەن توعىز كۇن وتكەننەن كەيىن ءۇيىندى استىنان تاعى ءۇش ادام قۇتقارىلدى، - دەپ حابارلايدى Anadolu باسىلىمى.
تۇركيانىڭ وڭتۇستىك-شىعىسىنداعى كاحرامانماراش پروۆينتسياسىنىڭ دۋلكاديروگلۋ اۋدانىندا جەر سىلكىنىسىنەن 198 ساعات وتكەن سوڭ ەكى اعايىندى ءۇيىندى استىنان قۇتقارىلدى. 14- اقپاندا تاڭەرتەڭ ونداعان قۇتقارۋشىلاردىڭ كۇش-جىگەرىنىڭ ارقاسىندا 17 جاستاعى مۋحاممەد ەنەس يەنينار مەن ونىڭ اعاسى 21 جاستاعى باكي يەنينار امان قالدى. جارالىلار اۋرۋحاناعا جاتقىزىلدى.
تۇركيانىڭ ادىيامان قالاسىندا تاعى ءبىر ادام قۇتقارىلدى. 18 جاستاعى مۇحاممەد جافەر چەتيننىڭ ورنىن تۇرىك اسكەريلەرى، كەنشىلەر مەن ەرىكتىلەردەن قۇرالعان قۇتقارۋ توبى انىقتادى. توعىز كۇن ءۇيىندى استىندا قالعان جىگىت اۋرۋحاناعا جاتقىزۋ ءۇشىن دارىگەرلەرگە تاپسىرىلدى.