13:41, 15 - شىلدە 2015 | GMT +5
ق ر ۇلتتىق بانكى تەڭگەنىڭ دوللارعا شاققانداعى ءدالىزىن 198 تەڭگە دەيىن كەڭەيتتى
استانا. قازاقپارات - ق ر ۇلتتىق بانكى تەڭگەنىڭ دوللارعا شاققانداعى ءدالىزىن 1 دوللار ءۇشىن 198 تەڭگەگە دەيىن كەڭەيتتى. بۇل تۋرالى ق ر ۇلتتىق بانكىنىڭ ءتوراعاسى قايرات كەلىمبەتوۆ ءمالىم ەتتى.
«ەلدەگى ۆاليۋتا ساياساتى ەكىنشى جارتىجىلدىقتا وزگەرمەيدى. ءبىزدىڭ ويىمىزشا، ۆاليۋتالىق ءدالىز بۇگىنگى تاڭدا وڭتايلى دەڭگەيدە. ءبىراق قازىرگى ۋاقىتتا دوللار باعامى بەلگىلەنگەن مەجەدەن ءسال اسىپ كەتكەندىكتەن، بۇگىندە بيرجادا دوللار باعامى 180 تەڭگەدەن جوعارى، وسى رەتتە ءبىز ۆاليۋتا ساياساتىنىڭ ورتامەرزىمدى تارگەتتەۋ ساياساتىنا كوشۋ قارساڭىندا دوللار باعامىنىڭ ءدالىزىن 185 تەڭگە پليۋس 13, مينۋس 15 تەڭگە دەڭگەيىندە، ياعني 170 تەڭگەدەن 198 تەڭگە ارالىعىندا ەتىپ بەلگىلەۋدى شەشتىك»، - دەپ اتاپ ءوتتى ول.
اۆتور: جاسۇلان جولدىبايەۆ
