الماتى وبلىسىندا 1986 - جىلعى جەلتوقسان وقيعالارىنا قاتىسۋشىلارعا سىيلىق تاپسىرىلدى - فوتو
«1986 - جىلعى جەلتوقسان وقيعالارىندا جاستار وزدەرىنىڭ كوزقاراستارىن، وتانعا دەگەن سۇيىسپەنشىلىكتەرىن جانە ءوز پىكىرلەرىنە ادالدىعىن كورسەتتى. جاستار حالىقتىڭ ءوز تىلىنە، ءوز داستۇرىنە قۇقىعىن ءبىلدىرۋ ءۇشىن الاڭعا شىقتى، - دەپ باستادى ءسوزىن ءوڭىر باسشىسى اماندىق باتالوۆ قوناقتارعا قاراتا. - سىزدەر قازىر دە ەلدىڭ دامۋى مەن گۇلدەنۋىنە وزدەرىڭىزدىڭ ۇلەستەرىڭىزدى قوسىپ جۇرسىزدەر. سىزدەردىڭ ءومىر جولدارىڭىز - قازاقستاندىق قازىرگى جاس ۇرپاققا ۇلگى».
كەزدەسۋ بارىسىندا جەلتوقسان وقيعاسىنا قاتىسۋشىلار: ساركاند اۋدانىنداعى نوۆوپوكروۆكا اۋىلىنداعى ورتا مەكتەپتىڭ مۋزىكا مۇعالىمى سارسەمبەك ستامبەكوۆ، كەربۇلاق اۋدانىنان ءلايلا وڭالبايەۆا، «جەتىسۋ جەلتوقسانشىلارى» قوعامدىق ۇيىمىنىڭ ءتوراعاسى ەرمۇحان ءجۇنىسحان قۇتتىقتاۋ ءسوز سويلەدى.
كەزدەسۋ سوڭىندا جەلتوقسانشىلاردىڭ ءارقايسىسىنا 50 مىڭ تەڭگەدەن اقشالاي سىيلىقتار بەرىلدى.
