رەسەي «1981 -جىلدان بەرى بولماعان» اۋقىمدى اسكەري جاتتىعۋ وتكىزەدى

استانا. قازاقپارات - رەسەي قورعانىس مينيسترلىگى «1981 -جىلدان بەرى بولىپ كورمەگەن ەڭ ءىرى» «ۆوستوك-2018» اسكەري جاتتىعۋى وتەتىنىن جاريالادى. 1981 - جىلى س س س ر مەن ۆارشاۆا كەلىسىمى ەلدەرى «زاپاد-81» دەپ اتالاتىن بىرىككەن اۋقىمدى اسكەري جاتتىعۋ وتكىزگەن.

قورعانىس ءمينيسترى سەرگەي شويگۋ جاتتىعۋ 11-15 - قىركۇيەك كۇندەرى ورتالىق جانە شىعىس اسكەري وكرۋگتەرىنىڭ بارلىق پوليگونىندا وتەتىنىن مالىمدەدى. جاتتىعۋعا 300 مىڭعا تارتا اسكەري قىزمەتكەر، ونىڭ ىشىندە اۋە دەسانتى كۇشتەرى جانە مىڭنان استام ۇشاق پەن تىكۇشاق قاتىسادى. جاتتىعۋعا تىنىق مۇحيتى مەن سولتۇستىك فلوت تا قاتىستىرىلادى.

«ينتەرفاكس» اگەنتتىگىنىڭ حابارلاۋىنشا، «ۆوستوك-2018» حالىقارالىق جاتتىعۋ دەگەن ستاتۋس يەلەنگەن. بىلتىر قىركۇيەكتە رەسەي مەن بەلارۋس اۋماعىندا «زاپاد-2017» دەپ اتالعان اسكەري جاتتىعۋى وتكەن. وندا رەسەي جانە بەلارۋس اسكەريلەرى شارتتى تۇردە «باتىس ەلدەرىنىڭ ارمياسىنا» قارسى ءىس- قيمىلدى پىسىقتاعان. بىلتىر قاراشادا پرەزيدەنت ۆلاديمير پۋتين ءىرى جانە ستراتەگيالىق كاسىپورىنداردى «مەنشىك تۇرىنە قاراماستان»، اسكەري ءونىم شىعارۋ كولەمىن ۇلعايتۋعا دايىن بولۋعا شاقىرعان.

ناتو اسكەري جاتتىعۋ رەسەيدىڭ «ۇلكەن سوعىسقا» دايىندالىپ جاتقانىن ايعاقتايتىنىن مالىمدەدى.

شويگۋ سالىستىرعان 1981 -جىلعى «زاپاد-81» جاتتىعۋى پولشا شەكاراسىنا جاقىن جەردە وتكەن. باتىس ەلدەرى ول كەزدە جاتتىعۋدى س س س ر- ءدىڭ كۇش- قۋاتىن پاش ەتۋ جانە اۋقىمدى شابۋىل جاساۋ وپەراتسياسىنا دايىندىق دەپ قابىلداعان.

www.azattyq.org