20:15, 06 - ءساۋىر 2016 | GMT +5
ا ق ش تۇرعىنى 1978 -جىلعى تەلەديداردى ينتەرنەتكە قوستى
استانا. قازاقپارات - ا ق ش تۇرعىنى 1978 -جىلى شىعارىلعان تەلەديداردىڭ مۇمكىندىگىن جەتىلدىرىپ، ينتەرنەت ارقىلى ۆيدەوماتەريالداردى كورە الاتىنداي دەڭگەيگە جەتكىزدى.
تەلەديدارعا قوسىلعان Chromecast قوسىمشاسى YouTube, Netflix جانە تاعى باسقا جۇيەلەردەن بەينەروليكتەردى كورۋگە مۇمكىندىك بەردى.
تەلەديداردىڭ باسقارۋ پۋلتى رەتىندە سمارتفوندار قولدانىلادى. ونىڭ كومەگىمەن روليكتەردى قوسىپ، توقتاتىپ جانە داۋىسىن باسقارۋعا بولادى.
امەريكالىق تۇرعىننىڭ ايتۋىنشا، ول ەسكى تەلەديداردى قوقىستىڭ ىشىنەن تاۋىپ الىپتى. بالا كۇنىندەگى تەلەديدار ەسىنە ءتۇسىپ، ونى ۇيىنە الىپ كەلگەن دە مۇمكىندىگى قازىرگى زامان تالاپتارىنا ساي تەلەديدارعا اينالدىرعان.
