16:43, 10 - تامىز 2016 | GMT +5
ناسا 1969-جىلى ايدا بولعان سومكەنى بايقاماي ساتىپ جىبەرگەن
استانا. قازاقپارات - امەريكاندىق NASA عارىش اگەنتتىگى 1969 - جىلى نيل ارمسترونگتىڭ ايداعى ۇلگىلەردى جيناۋعا قولدانعان سومكەسىن بايقاماي ساتىپ جىبەرىپ، ەندى زاڭگەرلەر ارقىلى سومكەنى قايتارۋعا كۇش سالۋدا.

بۇل تۋرالى russian.rt.com حابارلادى.
وتكەن جىلى تەحنيكالىق اقاۋ بولىپ، يللنويس تۇرعىنى نەنسي كارلسون سومكەنى بار- جوعى 995 دوللارعا ساتىپ العان ەدى. سومكەنىڭ ءتۇپنۇسقالىعىن راستاۋ ءۇشىن ونى NASA اگەنتتىگىنە جىبەرگەندە، ناسالىقتار ءبىر تۇسىنىسپەۋشىلىكتىڭ بولعانىن بىلگەن.
عارىش اگەنتتىگى «ۇلتتىق مۇلىك بولماسا دا، سيرەك ارتەفاكت بولىپ سانالاتىن» سومكەنى قايتارىپ الۋدى ۇيعارىپ، فەدەرالدى پروكۋرورلارعا جۇگىنگەن. ءوز كەزەگىندە نەنسي كارلسون سومكەنى وزىندە قالدىرۋ ءۇشىن قارسى شاعىم جازعان.
1969 -جىلى امەريكاندىق عارىشكەرلەر نيل ارمسترونگ پەن بازز ولدرين اي بەتىنە قونعان تۇڭعىش ادامدار اتاندى.
فوتو: space.com