عالىمدار 1960 -جىلدارى مەدەۋدە جۇرگىزگەن العاشقى سىناقتاردىڭ ناتيجەسى جاريالاندى

60-جىلدارى اكادەميك تولەۋباي ءجۇنىسوۆتىڭ جەتەكشىلىگىمەن العاش رەت الماتىدا كىرپىشتەن سالىنعان عيماراتتارعا جاساندى سەيسميكالىق اسەرلەر جاعدايىندا اۋقىمدى زەرتتەۋلەر جۇرگىزىلدى. ونىڭ بارىسىندا اتالعان عيماراتتا نىعايتۋدى قاجەت ەتەتىنى انىقتالدى.
مۇنداي دەرەكتەردى انىقتاۋ ءۇشىن «مەدەۋ» مۇز ايدىنى بازاسىندا 1966-1967 -جىلدارى كىشى الماتى وزەنى شاتقالىندا (مەدەۋ شاتقالىندا) سەلدەن قورعاۋ بوگەتىن سالۋ ءۇشىن قاجەتتى قۋاتتى جارىلىستار سەرياسىن ۇيىمداستىرۋ ارقىلى قالانىڭ قۇرىلىس نىساندارىنا ديناميكالىق سىناقتار جۇرگىزىلدى.
وسى سىناقتاردىڭ ناتيجەسى بويىنشا 308 سەريالى 3-4 قاباتتى كىرپىشتەن سالىنعان عيماراتتار قولدانىستاعى قۇرىلىس نورمالارىنىڭ تالاپتارىنا ساي كەلمەيتىنى جانە ولاردىڭ سەيسميكاعا توزىمدىلىگى 7 بالدان اسپايتىنى انىقتالدى. مۇنداي عيماراتتار كۇشەيتىلۋى كەرەك ەدى.
سونىمەن قاتار كەلەسى نورماتيۆتىك قۇجاتتاردا سەيسميكالىق 8-9 بالدىق اۋدانداردا كىرپىش قابىرعالارى بار عيماراتتاردىڭ بيىكتىگى ايتارلىقتاي تومەندەگەنى انىقتالدى. 9 بالدىق ايماقتاردا ولاردىڭ بيىكتىگى 2 قاباتتان، 8 بالدىق ايماقتاردا 3 قاباتتان، 7 بالدىق ايماقتاردا 4 قاباتتان اسپاۋعا ءتيىس بولاتىن. 10 بالدىق ايماقتاردا قابىرعالارى كىرپىشتەن تۇراتىن عيماراتتاردى سالۋعا تىيىم سالىندى.
سول سەبەپتى ۇيلەردى نىعايتۋ بويىنشا جۇمىستار جۇرگىزىلە باستاپ، «مەدەۋ» كەشەنىنىڭ كونسترۋكتسياسىن ورنىقتى قاسبەتى قاراستىرىلعان ءمونوليتتى ەتىپ سالدى. تۇتاستاي العاندا، سپورت كەشەنىنە بىرنەشە رەت جاڭعىرتۋ جۇرگىزىلىپ، «قاز ق س ع ز ي» ا ق ماماندارى «مەدەۋ» تىرەك كونسترۋكسيالارىنىڭ جارامدىلىعى مەن سەيسميكاعا توزىمدىلىگىن باعالادى. ونى جاڭعىرتۋعا بايلانىستى ۇسىنىستار جاسالدى.
ايتا كەتەيىك، «مەدەۋ» كەشەنى - الماتىداعى ەڭ ۇلكەن جاساندى مۇز الاڭى بار ەرەكشە ساۋلەت نىساندارىنىڭ ءبىرى. مۇندا 200 دەن استام الەمدىك رەكورد ورناتىلعان. ال قازىر اتالعان نىسان مەملەكەتتىك ەسكەرتكىشتەردىڭ ساناتىنا جاتادى.