07:47, 29 - تامىز 2015 | GMT +5
ءۇي جوندەپ جاتقان وتباسى 1960 -جىلدان بەرى ساقتالعان اقشالى سەيف تاۋىپ الدى
استانا. قازاقپارات - ءۇي جوندەۋ جۇمىستارى كەزىندە پاتەردەن نە تابىلمايدى دەسەڭىزشى.

ا ق ش- تا ءبىر وتباسى ەرەكشە «قازىنانى» تاۋىپ الدى.
اس ءۇيدىڭ قابىرعاسىن ويىپ تۇرىپ وتكەن عاسىردىڭ ادامدارى جاساتقان سەيفتەگى بايلىق ەندى تابىلىپ، وتباسىن قۋانىشقا كەنەلتتى، دەپ جازادى شەتەلدىك ب ا ق.
سەيفتەن 51 مىڭنان استام دوللار شىقتى. سونداي-اق، ونىڭ ىشىندە 1960 -جىلى شىعارىلعان بۋربون بوتەلكەسى مەن فريتس شۋماحەردىڭ 1977 -جىلى باسىلىپ شىققان «ابىرجىعاندار ءۇشىن نۇسقاۋلىق» كىتابى ساقتالعان.
بۇدان باسقا، سەيفتە «الان، مەندە ءسىز وقىپ اياقتاۋىڭىز ءتيىس كىتاپ بار. مەن ءۇزىندىنىڭ استىن سىزىپ قويدىم. ءسىزدىڭ دوسىڭىز، ۆينسەنت» دەپ جازىلعان ەر ادامنىڭ سۋرەتى بار ەكەن.