استانالىق ب. يسماديەۆانىڭ ۇيىندە 1945-جىلى 10- مامىردا جارىق كورگەن گازەت ساقتاۋلى - فوتو

استانا. قازاقپارات - استانا قالاسىنىڭ تۇرعىنى باقىت يسماديەۆانىڭ ۇيىندە ۇلى وتان سوعىسىنداعى جەڭىستىڭ تاريحى تۋرالى باياندايتىن 1945-جىلدىڭ 10- مامىرىندا جارىق كورگەن «پراۆدا» گازەتىنىڭ سانى ساقتالعان، دەپ حابارلادى astana.gov.kz.

اتالعان گازەت بەتتەرىندە بەيبىت كەلىسىمگە قول قويىلعانى جانە سوعىستىڭ اياقتالعانى تۋرالى ماقالالار جارىق كورگەن.

باقىت يسماديەۆانىڭ اكەسى ايتكەن يسماديەۆ - ۇ و س ارداگەرى. ال اناسى رىمجان نۇرماعامبەتوۆا سوعىس جىلدارىندا ءانشى بولعان، وپەرالىق اريالاردى ورىنداعان. سوعىس كەزىندە جاۋىنگەرلەردىڭ رۋحىن كوتەرۋ ءۇشىن مايداندا ءوز ترۋپپاسىمەن شاعىن كونسەرتتەر قويعان.

ر. نۇرماعامبەتوۆا 4 جىل بويى سوعىسقا اتتانعان جولداسىن كۇتكەن سول كەزدەگى كوپ ايەلدىڭ ءبىرى ەدى. سوعىستىڭ اياقتالعانى تۋرالى حابار ايتىلعان سوڭ وعان كوز جەتكىزۋ ءۇشىن ەرتەسىندە جارىق كورگەن گازەتتى ساتىپ الادى. اتالعان گازەت بۇگىندە وتباسى قۇندىلىعىنا اينالىپ وتىر.