جانىبەك اۋدانى 1942 - جىلى سوعىس جاعدايىندا دەپ جاريالاندى
سول جىلعى جانىبەك اۋىلى جانىبەك اۋداندىق مۇراجايىندا اشىلعان «جانىبەك سوعىس جاعدايىندا» اتتى پانورامادا كورىنىس تاپقان.
ونىڭ اۆتورى، جەرگىلىكتى سۋرەتشى تولەبەك يسلامعاليەۆتىڭ سوزىنە قاراعاندا، پانوراما ارقىلى سوعىس كەزىندەگى ەل باسىنا تۇسكەن اۋىر جاعدايدى ەسكە تۇسىرۋگە بولادى. مۇراعات دەرەكتەرىنە سايكەس، سول جىلى جاۋ ۇشاقتارى اۋىلعا 500 گە جۋىق بومبا تاستاعان. سونىڭ سالدارىنان جيىرمادان اسا جاۋىنگەر مەن ءبىراز اۋىل تۇرعىنى قازا بولعان. ۆوكزال، سۋ مۇناراسى، تەمىرجول سىندى نىساندار وتقا وراندى. اۋە شابۋىلىنان قورعانۋ ءۇشىن جانىبەكتە زەنيتتى- پۋلەمەت روتاسى جاساقتالعان. سونىمەن قاتار، جانىبەك اۋدانى اسپانىندا كەڭەس ۇشقىشتارى مەن نەمىس فاشيستەرى اراسىندا الدەنەشە رەت اۋە شايقاسى دا بولعان.
ايتا كەتەيىك، ستالينگراد شايقاسى كەزىندە كورشىلەس وردا (قازىرگى بوكەي ورداسى) اۋدانىنا دا از بومبا تۇسكەن جوق. جاۋ، اسىرەسە، تەمىر جول بويىنداعى سايقىن، شوڭاي ستانسالارىن ءجيى قاراۋىلعا الدى. مۇندا دا بەيبىت ادامدارمەن قاتار كوپتەگەن ساربازدار، سونىڭ ىشىندە گاتچينسك ديۆيزياسىنىڭ باسشى قۇرامى مەن جاۋىنگەرلەرى قازاعا ۇشىرادى.
اۆتور: ەلجان ەرالى
