08:54, 10 - شىلدە 2015 | GMT +6
عالىمدار: جەر بەتىندەگى ءار ادامنىڭ 193 مىڭ تۋىسقانى بار
استانا. قازاقپارات - بريتانيالىق گەنەتيكتەر جەر بەتىندەگى ءار ادامنىڭ نەشە تۋىسقانى بارى تۋرالى قىزىق جاڭالىق اشتى.
سويتسە، ءار ادام بالاسىنىڭ شامامەن 193 مىڭ تۋعان-تۋىسى بولادى ەكەن، دەپ حابارلايدى epochtimes.ru. زەرتتەۋلەرگە سايكەس، مەترودا كۇنىنە 12 مىڭعا جۋىق تۋىستى كەزدەستىرۋگە بولادى ەكەن. ال نەبارى 20 ادام مىنگەن ساياحات كەمەسىنەن دە ولاردىڭ تابىلۋى عاجاپ ەمەس. مۇنىڭ وزىندە تۋىسقاندار سىزگە وتە جاقىن بولماۋى دا مۇمكىن.
ولار 7 ەمەس، ودان دا كوپ ۇرپاق بۇرىن سىزبەن تۋىس بولعان بولۋى ىقتيمال. عالىمدار مۇنىڭ بارلىعىن كومپيۋتەرلىك مودەلدەۋ ارقىلى تاپقان. سوڭعى 200 جىل ىشىندەگى بريتانيالىق وتباسىلارداعى بالا تۋۋ مەن وتباسى مۇشەلەرىنىڭ سانى باعدارلاماعا ەنگىزىلگەن.
سول ساتتە بريتانيالىقتاردىڭ 193 مىڭ اداممەن تۋىستىق جاقىندىعى بار ەكەندىگى انىقتالىپتى. عالىمدار بۇل ناتيجەنىڭ بۇكىل الەمدەگى ادامدارعا قاتىستى ەكەنىن ايتتى.
www.24.kz
