ا ق ش قاۋىپسىزدىك قىزمەتى 193 ەلدە تىڭشىلىق ەتە الادى

استانا. قازاقپارات - سوت ا ق ش ۇلتتىق قاۋىپسىزدىك اگەنتىگىنە 193 ەلدەن بارلاۋ مالىمەتتەرىن جيناۋعا رۇقسات بەردى، - دەپ جازادى The Washington Post اگەنتتىكتىڭ بۇرىنعى قىزمەتكەرى ەدۆارد سنوۋدەن ۇسىنعان قۇجاتتارعا سىلتەمە جاساپ.
None
None

ارنايى قىزمەتتەرگە شەتەلدىك بارلاۋ قىزمەتتەرىن باقىلاۋ جونىندەگى سوتتان (Foreign Intelligence Surveillance Court) رۇقسات العان.

ا ق ش بارلاۋعا رۇقسات العان 193 ەلدىڭ اراسىندا قازاقستان دا بار.

سونىمەن بىرگە، امەريكالىق قۇپيا قىزمەتتەر بۇكىل الەمدىك بانك، حالىقارالىق ۆليۋتا قورى، ەۋرووداق، ماگاتە سياقتى ءىرى ۇيىمداردىڭ قىزمەتىن دە باقىلايتىن بولادى.

دەگەنمەن قۇجاتتا "سوتتىڭ رۇقساتى امەريكالىق بارلاۋ قىزمەتى اتالعان ەلدەردىڭ بارلىعىندا بارلاۋ شارالارىن ەركىن جۇرگىزە بەرەدى دەگەن ءسوز ەمەس" دەلىنگەن.

ا ق ش ۇ ق ا وكىلدەرى سنوۋدەن ۇسىنعان مالىمەتتەرگە قاتىستى تۇسىنىك بەرۋدەن جانە ونىڭ ناعىز قۇجات ەكەنىن راستاۋدان باس تارتتى. ەسەسىنە، امەريكالىق بارلاۋ قىزمەتىنىڭ بۇرىنعى ماماندارى انونيم تۇردە جاۋاپ بەردى.

"امەريكا قۇراما شتاتتارىمەن تاتۋ ەلدەردەگى گۋمانيتارلىق داعدارىس جاعدايىندا اسكەريلەرگە قىسقا مەرزىمدە بارلىق امەريكالىقتى تۇگەل كوشىرۋدىڭ قانداي قيىن جاعداي ەكەنى تۇسىنىكتى. ەگەر ول ەل اتالعان تىزىمدە جوق بولسا، ا ق ش ۇ ق ا قاجەتتى مالىمەتتەردى زاڭدى تۇردە جيناي المايدى"، - دەيدى بۇرىنعى قىزمەتكەرلەردىڭ ءبىرى.

tengrinews.kz

سوڭعى جاڭالىقتار