تاراز تۇرعىنى 1932-جىلى شىققان «فيات» كولىگىن قۇراستىردى
رەترو ماشينالار توپتاماسىنا جاتاتىن يتاليالىق تەمىر تۇلپار قازاقستاندا جالعىز.
بۇل تۋرالى «استانا» ارناسى حابارلايدى.
كونە زاماننىڭ كولىگى كوپتىڭ نازارىن بىردەن وزىنە اۋدارادى. بۇگىندە بۇل «فيات ۆولليلا» 84 جاستا. ءوزى رەترو نۇسقا رەتىندە قۇندى. جاعدايى جاقسى ادامداردىڭ ءوزىنىڭ قولى جەتە بەرمەيدى. ءبىراق، ونى قاراپايىم قازاق بالاسى ءوز قىزىعۋشىلىعىمەن قۇراستىرىپ وتىر.
«ءبىز ءبىرىنشى مارتە وتالدىرعان كەزدە، كوز الدىمىزعا جاس كەلىپ، جىلاپ جىبەرە جازدادىق. قازاقستان بويىنشا جالعىز «رەترو ماشينا» رەتىندە ەسەپتەلەدى. سانكت-پەتەربۋرگتە عانا بىرەۋ بار. ال، ەندى قازىر كوشەدە جۇرسەڭ، ادامداردىڭ قىزىقتاپ، كۇلكىلەرى كەلەدى، ەسكى زامانعا ءتۇسىپ، ىلگەرى زامانعا ءتۇسىپ كەتكەندەي بولادى»، - دەيدى تاراز قالاسىنىڭ تۇرعىنى مارات ەسحوجايەۆ.
«فيات» ماركاسى قازاقستاندا جالعىز كولىك ەكەنىن سالا ماماندارى دا راستاپ وتىر.
