پەتروپاۆلدا ق ر ۇلتتىق گۆاردياسىنىڭ 190 ساربازى وتانعا ادال قىزمەت ەتۋگە انت بەردى - فوتو
190 جاس سارباز قازاقستاننىڭ قارۋلى كۇشتەرىنىڭ قاتارىندا قىزمەتىن لايىقتى اتقارىپ جۇرۋگە انت بەردى.
« كەشە 2015-جىلدىڭ ماۋسىم ايىندا اسكەر قاتارىنا شاقىرىلعان 190 سارباز انت قابىلداپ وتىر. جاس ازاماتتار ماڭعىستاۋ، الماتى جانە جامبىل وبلىستارىنان شاقىرتىلعان. ولار جاس جاۋىنگەر كۋرسىنان، اسكەري دايىندىقتان ءوتىپ، اسكەري قىزمەتتىڭ نەگىزىمەن تانىستىرىلدى. انت قابىلداعان سوڭ ولار ق ر ۇلتتىق گۆاردياسىنىڭ 6637 اسكەري ءبولىمىنىڭ قۇرامىندا قىزمەتتىك-جاۋىنگەرلىك مىندەتتەردى ورىنداۋ ءۇشىن شتاتتىق بولىمشەلەرگە ۇلەستىرىلەدى»، - دەپ اتاپ ءوتتى ق ر ۇلتتىق گۆاردياسى 6637 اسكەري ءبولىمى كومانديرىنىڭ تاربيە بەرۋ جانە الەۋمەتتىك-قۇقىقتىق جۇمىس بويىنشا ورىنباسارى سارتباي نۇركەش.
شاراعا قاتىسقان وبلىس اكىمىنىڭ ورىنباسارى ۆلاديمير بۋبەنكو ساربازدار مەن ولاردىڭ اتا-انالارىنا ايماق باسشىسىنىڭ قۇتتىقتاۋىن جەتكىزدى.
