07:38, 02 - مامىر 2018 | GMT +5
پەتروپاۆلداعى كورمەگە 1900-جىلعى قۇران قويىلدى
پەتروپاۆل. قازاقپارات - پەتروپاۆلدا ۇلتتىق مادەنيەت فەستيۆالى ءوتىپ جاتىر، دەپ حابارلايدى قازاقپارات ءتىلشىسى.
«ۆايناح» شەشەن-ينگۋش ۇلتتىق مادەني ورتالىعىنىڭ وكىلدەرى وزدەرىنىڭ مۋزەيىنىڭ ەكسپوناتتارىن كورمەگە قويدى. كورمەگە قويىلعان جادىگەرلەردىڭ اراسىندا ⅩⅨجانە ⅩⅩعاسىرلارداعى زاتتار دا بار.
باعالى ەكسپوناتتاردىڭ اراسىندا 1900-جىلى اراب تىلىندە شىققان قۇران بار. ورتالىق وكىلى سايپ بايدۋيەۆ قاسيەتتى كىتاپتان ۇزىندىلەر وقىدى.
سونداي-اق، كورمە تاماشالاۋشىلار نازارىنا 1810-جىلعى قانجار، ريەۆوليۋتسياعا دەيىن قولدانىلعان تارازى، 1907-جىلعى ساماۋىر، 1933-جىلعى تەلەفون سىندى قۇندى تاريحي زاتتار ۇسىنىلدى.
