پروكۋرورلار گۇلەندى ەكى ءولىم جازاسىنا كەسىپ، 1900 جىلعا سوتتاۋدى سۇرادى

استانا. قازاقپارات -  ايىپتاۋشى تاراپ تۇركيادا ءساتسىز اياقتالعان مەملەكەتتىك توڭكەرىستىڭ ۇيىمداستىرۋشىسى دەلىنگەن كۇدىكتىنى ەكى رەت ءولىم جازاسىنا كەسىپ، وعان قوسا 1900 جىلعا باس بوستاندىعىنان ايىرۋىن سۇرادى.
None
None

  بۇل تۋرالى centralasian.org سايتى حابارلايدى.

ايىپتاۋ قورىتىندىسىندا كورسەتىلگەندەي، گۇلەنگە «كونستيتۋتسيالىق قۇرىلىمدى قۇلاتۋعا تالپىنعان»، «تەررورلىق توپ قۇرىپ، ونى باسقارعان» جانە باسقا دا كوپتەگەن ايىپتار تاعىلعان. ا ق ش- تا تۇراتىن ءدىن ۋاعىزداۋشى گۇلەننەن باسقا، وسى ءىس بويىنشا تاعى 111ايىپتالۋشى بار، ولاردىڭ 13- ءى سوت كەزىندە قاماۋعا الىندى. ايىپتالۋشىلاردىڭ بارلىعىنا ەكى جىلدان ءولىم جازاسىنا دەيىنگى ارالىقتا جازا بەلگىلەنۋى مۇمكىن.

«گۇلەننىڭ تەرروريستىك ۇيىمى» (FETO، بيلىك گۇلەننىڭ جاقتاستارىن وسىلاي دەپ اتايدى) مۇشەلەرىن بيلىكتى باسىپ الۋ ءۇشىن مەملەكەتتىك مەكەمەلەرگە ەنگەن دەپ ايىپتادى. تەرگەۋ بولجامى بويىنشا، گۇلەن توبى توڭكەرىس جاساۋ ءۇشىن قورلار، جەكەمەنشىك مەكتەپتەر، ستۋدەنتتىك جاتاقحانالار، باسپا ءسوز جانە ساقتاندىرۋ كومپانيالارىن پايدالانعان. بۇعان قوسا، ۋاعىزداۋشىنىڭ جاقتاستارى جالعان كومپانيالار ارقىلى ا ق ش- قا قاراجات جولداپ وتىرعان.

گۇلەنگە قارسى ءىس تۇركيانىڭ باتىسىنداعى ۋشاك پروۆينتسيسىنىڭ سوتىندا وتكەن جىلدىڭ قىركۇيەگىنەن بەرى قارالىپ جاتىر. بۇلىككە دەيىن اشىلعان قىلمىستىق ءىس توپتىڭ قارجى وپەراتسيالارىن تەرگەۋگە قاتىستى بولدى.

تۇركيادا اسكەري توڭكەرىس جاساۋعا تالپىنىس ارەكەتى بيىل 16 - شىلدەنىڭ تۇنىندە بولدى. ەرتەسىنە ەل پرەزيدەنتى رەجەپ تايىپ ەردوعان گۇلەندى بۇلىك ۇيىمداستىردى دەپ ايىپتادى. بۇلىكتى ۇيىمداستىرۋعا قاتىسقان دەگەن كۇدىكپەن 10 مىڭعا جۋىق ادام ۇستالدى.

تۇرىك ءدىن ۋاعىزداۋشىسى فەتحۋللاح گۇلەن 1999 -جىلى ەلدەن قاشىپ شىققالى بەرى قۇراما شتاتتاردا تۇرادى.

https://halyknews.kz

سوڭعى جاڭالىقتار