12:34, 25 - ناۋرىز 2017 | GMT +5
قىتايدا 19 ورىندىق اۆتوبۋسقا 74 بالانى جانە تاربيەشىنى وتىرعىزعان - كەسكىن
استانا. قازاقپارات - قىتايداعى حىنان پروۆينتسياسىنداعى نانيان قالاسىندا 19 ورىندىق شاعىن اۆتوبۋسقا 70 تەن استام بالانى وتىرعىزعان جۇرگىزۋشى تۇتقىندالدى.
بۇل تۋرالى جۇما كۇنى Daily Mail حابارلادى.
پوليتسەيلەر الدىڭعى الدىڭعى اينەكتەن جۇرگىزۋشىنىڭ جانىندا توپتاسىپ تۇرعان توپ بالانى بايقاپ قالعان.
شاعىن اۆتوبۋستى توقتاتقان كەزدە ىشىنەن بالاباقشا تاربيەشىسى مەن 74 ءبۇلدىرشىن شىعادى. ال كولىك رۋلىندە مەكتەپ اۆتوبۋسىن جۇرگىزۋگە رۇقساتى جوق 27 جاستاعى ەر ادام بولعان.
كەيىننەن انىقتالعانداي، شاعىن اۆتوبۋس جەرگىلىكتى بالاباقشاعا تيەسىلى بولعان. ءبىراق بالالاردى تاسۋعا ارنالماعان. جۇرگىزۋشى قاۋىپ تونىرەتىن ساپارعا شىققانى ءۇشىن ۇستالدى.
