تارازدا ۇستالعان 19 جاستاعى جالعان پوليسەي 20 تاۋلىككە قامالۋى مۇمكىن
تۇرار رىسقۇلوۆ اتىنداعى ساياباقتىڭ اۋماعىن پاترۋلدەۋ كەزىندە تاراز قالاسىنىڭ پوليسيا باسقارماسى 1-پوليتسيا ءبولىمىنىڭ قىزمەتكەرلەرى پوليتسيا كيىمىندەگى كۇدىكتى جاس جىگىتتى بايقادى.
ساياباقتا سەرۋەندەپ جۇرگەن جىگىت پوليسيا قىزمەتكەرلەرىن كورگەندە ساسىپ قالعان.
تەكسەرۋ بارىسىندا ءتارتىپ ساقشىلارى جالعان پوليتسەيدىڭ 19 جاستا ەكەنىن جانە ونىڭ تۇركىستان وبلىسىنىڭ تۇرعىنى ەكەنىن انىقتادى.
ۇستالعان ازامات وسىنداي قىلمىسى ءۇشىن 2022 -جىلدىڭ ءساۋىر ايىندا شىمكەنت قالاسىندا سوتتى بولعان.
ول كەزدە جاس جىگىت ت ج د قىزمەتكەرىنىڭ فورماسىن كيگەن ەكەن.
ونىڭ مۇنداي قادامعا قانداي ماقساتپەن بارعانىن تەرگەۋ انىقتايدى.
اتالعان دەرەككە قاتىستى ق ر ق ك 390-بابىنىڭ 1- ءبولىمى بويىنشا سوتقا دەيىنگى تەرگەۋ امالدارى باستالدى.
وسى باپتىڭ سانكتسياسى سەكسەن ايلىق ەسەپتىك كورسەتكىشكە دەيىنگى مولشەردە ايىپپۇل سالۋ نە سول مولشەردە تۇزەۋ جۇمىستارى نە سەكسەن ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە جيىرما تاۋلىككە دەيىنگى مەرزىمگە قاماۋ تۇرىندەگى جازانى كوزدەيدى.
