بيىل ەلىمىزدەگى 19 ۋنيۆەرسيتەت شەتەلدەگى ەتنيكالىق قازاقتارعا 1300 ءبىلىم گرانتىن ۇسىنادى
«وسى بۇيرىقتىڭ قوسىمشاسىنا سايكەس، 2023-2024 وقۋ جىلىنا قازاقستان رەسپۋبليكاسى جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىنىڭ دايىندىق بولىمدەرىنىڭ تىڭداۋشىلارىن وقىتۋعا مەملەكەتتىك ءبىلىم بەرۋ تاپسىرىسى ورنالاستىرىلسىن»، - دەلىنگەن اشىق ن ق ا پورتالىندا جاريالانعان عىلىم جانە جوعارى ءبىلىم ءمينيسترىنىڭ بۇيرىق جوباسىندا.
قۇجاتتا جازىلعانداي، ق ر ازاماتى ەمەس، ءبىراق ۇلتى قازاق تۇلعالار ءۇشىن ەلىمىزدىڭ 19 جوعارى وقۋ ورىندارىندا ماگيستراتۋرا مەن دوكتورانتۋرا باعىتى بويىنشا ءبىلىم الۋىنا 1300 گرانت بەرىلمەك. بۇعان قوسا، ولارعا تىلدىك دايىندىعىن كۇشەيتۋ ءۇشىن وتاندىق 8 ۋنيۆەرسيتەت 200 ورىن بولەدى.
ال، وزگە شەتەل ازاماتتارىنا ءال- فارابي اتىنداعى قازاق ۇلتتىق ۋنيۆەرسيتەتى مەن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى جالپى سانى 50 گرانت (ماگيستراتۋرا مەن دوكتورانتۋرا) ۇسىنادى.
سونىمەن قاتار، تۇرىك رەسپۋبليكاسىنىڭ جانە وزگە تۇركىتىلدەس ەلدەردىڭ تالاپكەرلەرىنە قوجا احمەت ياساۋي اتىنداعى حالىقارالىق قازاق- تۇرىك ۋنيۆەرسيتەتى قابىرعاسىندا ءبىلىم الۋى ءۇشىن تاعى 200 گرانت بەرىلۋى مۇمكىن.
عىلىم جانە جوعارى ءبىلىم ءمينيسترىنىڭ بۇيرىق جوباسى 14-ماۋسىمعا دەيىن كوپشىلىك تالقىلاۋدا بولادى. كەيىن ۆەدومستۆو باسشىسى ساياسات نۇربەك قول قويىپ، رەسمي جاريالانعان كۇنى كۇشىنە ەنەدى.
اۆتور:
ءاليحان اسقار
