16:59, 04 - تامىز 2023 | GMT +5
اۆتوبۋس اڭعارعا قۇلاپ، 18 ادام قازا تاپتى
مەحيكو. قازاقپارات - مەكسيكانىڭ باتىسىندا بەيسەنبى كۇنى تاڭەرتەڭ اۆتوبۋس جاردان اڭعارعا قۇلاپ، 18 ادام قازا تاپتى، دەپ حابارلايدى قازاقپارات Reuters اگەنتتىگىنە سىلتەمە جاساپ.

42 جولاۋشى بولعان اۆتوبۋس مەكسيكانىڭ سولتۇستىك-باتىسىندا تيحۋانا قالاسىنا باعىت العان. جولاۋشىلار اراسىندا ءۇندىستان، دومينيكان رەسپۋبليكاسى مەن افريكا ەلدەرىنىڭ ازاماتتارى بولعان.
اۆتوبۋس جۇرگىزۋشىسى ۇستالدى. وعان جولداعى بۇرىلىس كەزىندە جىلدامدىقتى اسىردى دەگەن ايىپ تاعىلدى.
قازا تاپقانداردىڭ جەكە باسى انىقتالىپ جاتىر. 20 ادام اۋرۋحاناعا جەتكىزىلدى.
رەسمي تۇلعالاردىڭ ايتۋىنشا، جول اپاتى تەپيك شتاتى استاناسىنان تىس جەردە تاسجولدا بولعان.
اڭعاردىڭ تەرەڭدىگى 40 مەتر بولعاندىقتان قۇتقارۋ وپەراتسياسى قيىن بولعان.
مەكسيكانىڭ واحاكا شتاتىندا شىلدەدە اۆتوبۋس جول اپاتىنا ۇشىراپ، 29 ادام قازا تاپقان، اقپاندا 17 ادام اۆتوبۋس اپاتىنان مەرت بولعان.