ەلەكتر ساموكاتپەن جولدىڭ وڭ جاق شەتكى بولىگىندە 18 جاسقا تولعان ادامدار جۇرە الادى
«بۇل زاڭ جوباسى ءالى دە قارالىپ جاتىر. وسى قۇجات دەپۋتاتتاردىڭ ۇسىنىسى بويىنشا ەنگىزىلدى. زاڭ جوباسى اياسىندا ساموكاتپەن جولدا ءجۇرۋ ءتارتىبى رەتتەلمەك. ماسەلەن، جولدىڭ وڭ جاق شەتكى بولىگىندە 18 جاسقا تولعان، جۇرگىزۋشى كۋالىگى بار، سونداي- اق باسىنا ءتيىستى شلەم كيگەن ادامدارعا جۇرۋگە رۇقسات بەرىلمەك»، - دەدى م. احمەتجانوۆ ماجىلىستە تىلشىلەر سۇراعىنا جاۋاپ بەرە وتىرىپ.
ونىڭ ايتۋىنشا، جاياۋ جۇرگىنشىلەر جولاعىندا ساموكاتپەن جۇرسە، وندا جاياۋ جۇرگىنشىلەرگە باسىمدىق بەرىلەدى.
ايتا كەتەيىك، بۇگىن ءماجىلىستىڭ جالپى وتىرىسىندا «قازاقستان رەسپۋبليكاسىنىڭ كەيبىر زاڭنامالىق اكتىلەرىنە جول ءجۇرىسىن ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى» زاڭ جوباسى قارالىپ جاتىر.
بۇدان بۇرىن حابارلانعانداي، ەلەكتر ساموكاتپەن جولاۋشى، جۇك تاسۋعا تىيىم سالىنادى.