الماتىدا ءوزىن ەمدەپ جۇرگەن دارىگەردى اتىپ ولتىرگەن ادام 18 جىلعا سوتتالدى

الماتى. قازاقپارات - الماتىدا گاستروەنتەرولوگ يۋري شۋمكوۆتىڭ ولىمىنە قاتىستى سوت ۇكىمى شىقتى، دەپ حابارلايدى قازاقپارات ءتىلشىسى.

سوت 1987-جىلى تۋعان ت. -نى بىرنەشە باپ بويىنشا كىنالى دەپ تانىپ، ونى 18 جىلعا باس بوستاندىعىنان ايىردى. ول جازاسىن قىلمىستىق-اتقارۋ جۇيەسىنىڭ قاۋىپسىزدىگى بارىنشا جوعارى مەكەمەسىندە وتەيدى.

سونىمەن قاتار، سوتتالۋشى مارقۇمنىڭ وتباسىنا وتەماقى تولەۋگە مىندەتتەلدى.

بۇعان دەيىن پروكۋرور 35 جاستاعى ت. -نى 20 جىلعا سوتتاۋدى سۇراعان بولاتىن.

كەيىن سوتتالۋشى دارىگەر يۋري شۋمكوۆتىڭ تۋىستارىنان كەشىرىم سۇراعان ەدى.

ەسكە سالايىق، وتكەن جىلى 4- ءساۋىر كۇنى الماتىدا دارىگەر ەمدەلۋشى پاتسيەنتىنىڭ قولىنان قازا تاپتى. ونى كۇدىكتى اڭشى مىلتىعىمەن اتىپ تاستاعان.

اسا اۋىر قىلمىس قالانىڭ بوستاندىق اۋدانىندا بولعان. كۇدىكتى قالادا ەنگىزىلگەن ارنايى جوسپار بارىسىندا الاتاۋ اۋدانى اۋماعىندا ۇستالدى.

كەيىن ق ر دەنساۋلىق ساقتاۋ ءمينيسترى اجار عينيات يۋري شۋمكوۆ پەن پاتسيەنت اراسىندا قانداي دا ءبىر جانجال بولماعانىن ايتتى.