اتا- انالار ءۇشىن 18 جاسقا دەيىنگى بالالاردىڭ شوتىنا اقشا ءتۇسۋى ۇلكەن كومەك
پرەزيدەنت جولداۋىن وتباسىمەن بىرگە تىڭداعان كەربۇلاق اۋداندىق انالار كەڭەسىنىڭ ءتورايىمى عاليا اقباسوۆا وسىنداي پىكىر ءبىلدىردى، دەپ حابارلايدى قازاقپارات ءتىلشىسى.
كوپبالالى انا بالالارعا ارنايى ەسەپشوت اشىپ، وعان ۇلتتىق قور تابىسىنان قارجى اۋدارىپ وتىرۋ وتە ۇتىمدى ۇسىنىس ەكەنىن ايتادى. بىرنەشە بالا تاربيەلەپ وتىرعان جانە از قامتىلعان وتباسىلارمەن ءجيى حابارلاساتىن ىسكەر ايەل اتاۋلى الەۋمەتتىك كومەك پەن بالالار جاردەماقىسىنىڭ مەرزىمىن ۇزارتۋ ماسەلەسى دە وتە ورىندى دەيدى.
«بۇل اتا-انا ءۇشىن دە، بالا ءۇشىن دە ۇلكەن كومەك بولاتىن بولدى. بالالار ەندى وزدەرى وسكەننەن كەيىن، 18 جاسقا تولعاندا بىلىمىنە، دەنساۋلىعىنا، مۇمكىن جەكە كاسىپ اشاتىن شىعار، باسپانا الۋعا جۇمسايدى دەگەندەي. وسى دۇنيەلەرگە وتە كەرەكتى قارجى دەپ ويلايمىن. بۇل - جاقسى ءۇردىس. سوندىقتان قازاقستاندىقتاردى وسى قۋانىشتى حابارمەن شىن جۇرەكتەن قۇتتىقتايمىن»، - دەدى كەربۇلاق اۋداندىق انالار كەڭەسىنىڭ ءتورايىمى عاليا اقباسوۆا.
بەرەكەلى شاڭىراق يەسى عاليا اقباسوۆا وتباسىلىق زورلىق-زومبىلىقپەن كۇرەستە زاڭدى قاتاڭداتۋ قاجەتتىگىن العا تارتادى. ال وتباسىندا كيكىلجىڭ بولماۋىنىڭ باستى كەپىلى الەۋمەتتىك ماسەلەلەردىڭ دەر كەزىندە شەشىلۋىندە دەيدى.
پرەزيدەنت ءار جولداۋىندا وسى سالاعا ەرەكشە نازار اۋدارىپ كەلەدى.
