قازاقپارات كۇنتىزبەسى: 18- جەلتوقسان
اتاۋلى كۇندەر
حالىقارالىق ميگرانتتار كۇنى
ەكوسوستىڭ ۇسىنىسى بويىنشا 2000-جىلعى 18- جەلتوقساندا ب ۇ ۇ باس اسسامبلەياسى بەكىتكەن. 1990-جىلعى 19- جەلتوقساندا بارلىق ەڭبەك ەتىپ جۇرگەن ميگرانتتاردى جانە ولاردىڭ وتباسىن قورعاۋ تۋرالى حالىقارالىق كونۆەنتسيا قابىلداندى.
ب ۇ ۇ- داعى اراب ءتىلى كۇنى
1973-جىلى ب ۇ ۇ باس اسسامبلەياسى اراب ءتىلىن ب ۇ ۇ- نىڭ جۇمىس تىلدەرى قاتارىنا ەنگىزدى. 2010-جىلدان بەرى اتاۋلى كۇن رەتىندە اتاپ وتىلەدى.
ەستە قالار وقيعالار
1979-جىلى قازاقستاننىڭ باتىسىندا تەڭىز مۇناي كەن ورنى اشىلدى. ايماقتاعى العاشقى مۇناي جەراستى قاتپارلارىنداعى 4045-4095 مەتر تەرەڭدىكتەن الىندى.
1992-جىلى قازاقستان رەسپۋبليكاسىنىڭ «سەمەي پوليگونىنداعى يادرولىق سىناقتاردىڭ سالدارىنان زارداپ شەككەن ازاماتتاردى الەۋمەتتىك قورعاۋ تۋرالى» زاڭى شىقتى.
2010-جىلى قازاقستان رەسپۋبليكاسىنىڭ «عارىش زەرتتەۋلەرى مەن تەحنولوگيالارى ۇلتتىق ورتالىعى» ا ق ازيا ايماعىندا جەردى قاشىقتىقتان زوندپەن تەكسەرۋ جانە GIS- WEB- تەحنولوگيالاردىڭ كومەگىمەن دۇلەي اپاتتارعا قارسى كۇرەس جۇرگىزۋگە باعىتتالعان «Sentinel Asia» حالىقارالىق جوباسىنىڭ تولىق قۇقىقتى مۇشەسى بولدى.
2010-جىلى باياناۋىلدا جاياۋ مۇساعا (1835-1929) ارنالعان مۇراجاي اشىلدى.
2013-جىلى «ادەبيەت پورتالىنىڭ» ەلەكتروندى بازاسىندا وتاندىق اۆتورلاردىڭ قازاق، ورىس، اعىلشىن جانە تۇرىك تىلدەرىندە جارىق كورگەن 2 مىڭنان استام كىتابى جيناقتالدى.
بۇل پورتالعا الەۋمەتتىك-ماڭىزدى ادەبيەتتى شىعارۋ باعدارلاماسىنىڭ اياسىندا باسىپ شىعارىلاتىن بارلىق كىتاپتار ورنالاستىرىلىپ كەلەدى.
2015-جىلى ماسكەۋدەگى ورىس گەوگرافيالىق قوعامىنىڭ شتاب-پاتەرىندە ق ر مادەنيەت جانە سپورت مينيسترلىگى مەن قازاقستاننىڭ رەسەيدەگى ەلشىلىگىنىڭ قولداۋىمەن جارىق كورگەن جارىلقاپ بەيسەنباي ۇلىنىڭ «شوقان ءۋاليحانوۆ» كىتابىنىڭ تانىستىرىلىمى ءوتتى.
كىتاپ كورنەكتى قازاق عالىمىنىڭ 180 جانە ورىس گەوگرافيالىق قوعامىنىڭ 170 جىلدىق مەرەيتويلارىنا وراي باسىلدى. ج. بەيسەنباي ۇلى ۇزاق جىلداردان بەرى قازاقتىڭ ۇلى عالىمىنىڭ ءومىرى مەن شىعارماشىلىعىن زەرتتەۋمەن اينالىسىپ كەلەدى.
اۆتور شوقان ءۋاليحانوۆتىڭ ءومىرىن كوپ جىلدان بەرى زەرتتەپ، قازاقتىڭ ۇلى عالىمىنىڭ 1856-جىلى جازعان «ىستىقكول ساپارىنىڭ كۇندەلىگى» ىزىمەن قايتالاي ءجۇرىپ وتكەن، ول عۇمىر كەشكەن مەكەندەردى ارنايى ارالاپ، بۇعان دەيىن وسى تاقىرىپقا ارنالعان «شوقان ىزىمەن» (1977)، «جاسىن تاعدىر جارقىلى» (1987) اتتى كىتاپتارىمەن وقىرمان قاۋىمعا تانىمال قالامگەر.
جاڭا كىتاپتا شوقان ءۋاليحانوۆتىڭ ءومىرى مەن سول كەزەڭدەگى وسى ۋاقىتقا دەيىن بەلگىسىز بولىپ كەلگەن فاكتىلەر بەرىلىپ، جاڭا تاريحي، مۇراعات قۇجاتتارىمەن تولىقتىرىلا تۇسكەن.
2016-جىلى يوردان جازۋشىسى مۋنا فۋاد ماحامرەح ءوزىنىڭ اراب تىلىندەگى كىتابىن شىعاردى. كىتاپتا قازاقستاننىڭ جاڭا زامان تاريحى جانە سەمەي پوليگونى تاقىرىبى قوزعالادى.
2017-جىلى قازاقستاندىق جاس ءانشى دانەليا تۋلەشوۆا ۋكراينداعى «گولوس. دىتي» ءان بايقاۋىنىڭ جەڭىمپازى اتاندى. بايقاۋدىڭ ءتورتىنشى ماۋسىنىڭ جەڭىمپازى اتانعان دانەليا تۋلەشوۆانىڭ اندەرى «ناشە راديو» ارناسىنان 3 اي بويى كورسەتىلدى. سونىمەن قاتار، ءبۇلدىرشىن «Disneyland Paris» - گە ساياحاتتاۋ مۇمكىندىگىن الدى.
2017-جىلى گەرمانيانىڭ گاننوۆەر قالاسىندا وتكەن سپورتتىق گيمناستيكادان «ZAG Junior Cup» حالىقارالىق جارىسىندا قازاقستان قۇراماسى كوماندالىق ەسەپتە 1-ورىن، ال جەكەلەي سىندا 10 جاستاعى نۇرتان ىدىرىسوۆ چەمپيون اتاندى. ن. ىدىرىسوۆ قازاقستاننىڭ 2017-جىلعى جاستار چەمپيوناتانىڭ جەڭىمپازى. ول سپورتتىق گيمناستيكامەن 6 جاسىنان باستاپ اينالىسادى.
2019-جىلى ديماش قۇدايبەرگەن يتاليانىڭ «Creators» فانتاستيكالىق كينوكارتيناسىنداعى ءاندى ورىندادى.
ديماش قۇدايبەرگەن - كلاسسيكالىق جانە ەسترادالىق ءان ايتۋدىڭ شەبەرى، ءتۇرلى ۆوكالدىق ستيلدەردى بىرگە الىپ جۇرگەن تالانت يەسى.