كوكشەتاۋدا 18 جاستاعى ستۋدەنت قىزدار ۇستالدى
«رەفلەكس» جەدەل الدىن الۋ ءىس-شاراسى كەزىندە سينتەتيكالىق ەسىرتكىلەردى جاسىرۋمەن اينالىساتىن كوللەدج ستۋدەنتتەرى ۇستالدى.
ولار بۇل ءىستى قوسىمشا جۇمىس ىزدەپ ءجۇرىپ، ينتەرنەتتەگى حابارلاندىرۋ ارقىلى تاپقان.
حابارلاندىرۋدا اسحانادا ىستەيتىن جۇمىس كورسەتىلگەن. وندا تابىس كۇنىنە 30 مىڭ تەڭگەگە دەيىن جەتەتىندىگى ايتىلعان.
الايدا حات الماسۋ بارىسىندا قىزدار بۇل ءىستىڭ ەسىرتكىمەن بايلانىستى ەكەنىن تۇسىنەدى. سوعان قاراماستان، ۇسىنىستان باس تارتپاعان.
«رەفلەكس» رەسپۋبليكالىق جەدەل-الدىن الۋ ءىس-شاراسى اياسىندا كوكشەتاۋ قالاسىنىڭ اۋماعىندا «وقجەتپەس» ستاديونىنىڭ جانىندا سينتەتيكالىق ەسىرتكى زاتتارىن جاسىرۋمەن اينالىساتىن 2 ستۋدەنت قىز ۇستالدى. ولاردان ەسىرتكىنىڭ 95 تۇيىنشەگى تاركىلەندى»، - دەدى اقمولا وبلىستىق پوليتسيا دەپارتامەنتى ەسىرتكى قىلمىسىنا قارسى كۇرەس باسقارماسىنىڭ باستىعى مەيرام جاپباسوۆ.
اقمولا وبلىسى پوليتسيا دەپارتامەنتى باستىعىنىڭ ورىنباسارى ەرلان قاسىم ءمالىم ەتكەندەي، جوعارى سىنىپ وقۋشىلارى مەن ستۋدەنتتەر مۇنداي حابارلاندىرۋلارعا ءجيى جاۋاپ بەرەدى جانە ولاردىڭ اراسىندا بۇل ءىستى تاستاماي، ارتىنان تەمىر تورعا تۇسەتىندەر دە بار.
جەدەل قىزمەتكەرلەردىڭ ايتۋىنشا، قىزدار بىرلەسىپ جۇمىس ىستەگەن. ءبىرى ەسىرتكىنى جاسىرسا، ەكىنشىسى ونىڭ قايدا جاسىرىلعانىن ءتۇسىرىپ، تاپسىرىس بەرۋشىمەن حات الماسىپ وتىرعان.
ءتىنتۋ كەزىندە 18 جاستاعى ستۋدەنت قىزدان ۇنتاقتى، بەلگىلى ءبىر ءيىسى بار، اق جانە كوك ءتۇستى زات سالىنعان 34 تۇيىنشەك تاركىلەندى. ال ويىنشىق قونجىقتان وسىنداي زات سالىنعان 60 تۇيىنشەك تابىلدى.
«قازىرگى ۋاقىتتا اتالعان فاكتى بويىنشا ق ر قك- ءنىڭ 296-بابى 2-بولىگىمەن ساراپتاما تاعايىندالدى، ونىڭ ناتيجەلەرى بويىنشا ءىس ق ر ق ك- ءنىڭ 297-بابى 3-بولىگىمەن قايتا سارالاناتىن بولادى. وسى باپ بويىنشا 15 جىلعا دەيىن باس بوستاندىعىنان ايىرۋ جازاسى قاراستىرىلعان»، - دەپ اتاپ ءوتتى مەيرام جاپباسوۆ.
جىل باسىنان بەرى اقمولا وبلىسىندا ەسىرتكى جاسىرۋمەن اينالىسىپ كەلگەن 12 ادام ۇستالدى، ولاردىڭ ۇشەۋى - كامەلەتكە تولماعاندار. زاڭسىز اينالىمنان جارتى كەلىدەن استام سينتەتيكالىق ەسىرتكى تاركىلەندى.