18-تامىز. قازاقپارات كۇنتىزبەسى

اتاۋلى كۇندەر

شەكاراشىلار كۇنى

(قازاقستان رەسپۋبليكاسىنىڭ شەكارا اسكەرى قۇرىلعان كۇن) 1992 -جىلعى 18 -تامىزدا قازاقستان رەسپۋبليكاسى پرەزيدەنتىنىڭ جارلىعىنا سايكەس، شىعىس شەكارا وكرۋگى نەگىزىندە قازاقستان رەسپۋبليكاسى شەكارا اسكەرى قۇرىلدى.

ەستە قالار وقيعالار

1992 -جىلى قازاقستان رەسپۋبليكاسى پرەزيدەنتى ن. نازاربايەۆتىڭ «قازاقستان رەسپۋبليكاسىنىڭ شەكارا اسكەرلەرى تۋرالى» جارلىعى شىقتى.

1992 -جىلى قازاقستان رەسپۋبليكاسى مەن بەلگيا كورولدىگىنىڭ اراسىندا ديپلوماتيالىق جانە كونسۋلدىق قاتىناستار ورنادى. بەلگيا كورولدىگى - ەۋروپانىڭ سولتۇستىك- باتىسىندا ورنالاسقان مەملەكەت. اۋدانى - 30 528 ك م². استاناسى - بريۋسسەل قالاسى. رەسمي تىلدەرى: فرانتسۋز، نيدەرلاند جانە نەمىس. اقشا بىرلىگى - ەۋرو. ەل باسشىسى - كورول، ول زاڭ شىعارۋشى (پارلامەنتپەن بىرگە) جانە اتقارۋشى (ۇكىمەتپەن بىرگە) بيلىكتى جۇزەگە اسىرادى.

1993 -جىلى قازاقستان رەسپۋبليكاسى مەن چيلي رەسپۋبليكاسى اراسىنداعى ديپلوماتيالىق قاتىناستاردىڭ ورناۋى تۋرالى بىرلەسكەن كومميۋنيكەگە قول قويىلدى. چيلي رەسپۋبليكاسى - وڭتۇستىك امەريكانىڭ وڭتۇستىك- باتىسىندا ورنالاسقان مەملەكەت. ول تىنىڭ مۇحيتىنىڭ جاعاسىن بويلايدى. سولتۇستىگىندە ەسكريتوس وزەنىنەن باستاپ، وڭتۇستىگىندە فروۋارد مۇيىسىنە دەيىن سوزىلعان. اۋدانى - 756 096 ك م² (%80 ىن تاۋلار الىپ جاتىر). استاناسى - سانتياگو قالاسى. رەسمي ءتىلى - يسپان («كاستەليانو») . اقشا بىرلىگى - چيليلىك پەسو. مەملەكەت جانە ۇكىمەت باسشىسى - پرەزيدەنت (ونىڭ قايتا سايلانۋ قۇقىعى جوق).

1993 -جىلى شۆەيتساريانىڭ لوكارنو قالاسىندا وتكەن كينوفورۋمدا قازاق كينوماتوگرافيسى ەرمەك شىناربايەۆتىڭ «سۇرعىلت ءۇش بۇرىشتى ورىن» فيلمى «التىن گەپارد» گران- ءپريىن جەڭىپ الدى.

2005 -جىلى الماتىدا «قازشاح» اتتى ءتورت ادامعا ارنالعان شاحمات ويىنىنىڭ تانىستىرىلىمى بولدى. «قازشاح» - قازاقستاندىق ديزاينەر ازات بايسەركەيەۆ ويلاپ شىعارعان شاحماتتىڭ جاڭا بىر ءتۇرى. ويىن 64 تور كوزگە بولىنگەن تاقتايدا جۇرەدى. ويىنعا ەكى باقتالاس قاتىسادى، ولاردىڭ قانجىعاسىندا اق جانە قارا ءتۇستى 16 تاس بولۋى كەرەك.

2016 -جىلى ريو- دە- جانەيروداعى جازعى وليمپيادا ويىندارىندا 69 كەلى سالماق دارەجەسىندە ونەر كورسەتكەن بوكسشى دانيار ەلەۋسىنوۆ قازاقستان قۇراماسىنىڭ قورجىنىنا التىن مەدال سالدى. وسىلايشا قازاقستان قاتارىنان ءتورتىنشى وليمپيادادا وسى سالماقتا التىندى ۋىسىنان شىعارماي كەلەدى. بۇعان دەيىن 2004 -جىلى افينادا باقتيار ارتايەۆ، 2008 -جىلى بەيجىڭدە باقىت سارسەكبايەۆ، 2012 -جىلى لوندوندا سەرىك ساپيەۆ ءدال وسى سالماقتا جەڭىس تۇعىرىنا كوتەرىلگەن بولاتىن. بوكس تاريحىندا ءبىر ەلدىڭ بوكسشىلارى ءتورت وليمپيادا قاتارىنان ءبىر سالماقتا اتوي سالعانى ەكىنشى رەت قانا قايتالانىپ تۇر.

2017 -جىلى IT سالاسىنىڭ مامانى، وڭتۇستىك قازاقستان وبلىسىنىڭ تۋماسى نۇرلان قامبار دومبىرانىڭ ەلەكتروندى نۇسقاسىن جاسادى. ەندى كەز كەلگەن ادام موبيلدىك قوسىمشانى جۇكتەپ الىپ، گادجەتى ارقىلى دومبىرا شەرتە الادى.

2018 -جىلى استانا قالاسىنىڭ ەجەلگى قارۋ- جاراقتار مۋزەيى «بۇقار جىراۋ ءداۋىرى» كورمەسىندە قازاق قولدانبالى ونەرىنىڭ تاماشا ۇلگىلەرىن كورسەتتى. كورمەگە ابىلاي حان تۇسىنداعى 20 عا جۋىق ەكسپونات قويىلدى. ولاردىڭ اراسىندا باستى وبراز - ابىلاي حاننىڭ ءمۇسىنى دە بار. ونى جاس دارىندى ءمۇسىنشى ايدوس ەسماعامبەتوۆ جاساعان. بۇدان بولەك، ХVІІІ عاسىرعا ءتان قۇرال- سايماندار، ابىلاي حان قىتاي يمپەراتورىنا، ورىس گۋبەرناتورلارىنا جازعان حاتتاردىڭ كوشىرمەلەرى بولدى.

2019 -جىلى 12 جاسار قازاقستاندىق ءجاميلا احمەتوۆا اكادەميالىق ۇلگەرىمى ءۇشىن ا ق ش پرەزيدەنتى دونالد ترامپتىڭ قولى قويىلعان العىس حاتقا يە بولدى.

2019 -جىلى 12 جاسار ءجاميلا احمەتوۆا ۇزدىك اكادەميالىق ۇلگەرىمى ءۇشىن سول كەزدەگى ا ق ش پرەزيدەنتى دونالد ترامپتىڭ قولى قويىلعان العىس حات الدى.