ساراپشى جانىبەكتىڭ 18 نوكاۋتى بار ەكس چەمپيونمەن جەكپە-جەگى تۋرالى
WorldBoxingNews سايتىنىڭ رەداكتورى فيل دجەي Vesti.kz تىلشىسىنە بەرگەن سۇحباتىندا وسىنداي پىكىر ءبىلدىردى.
ءالىمحان ۇلى - برانت كەزدەسۋى 26- ماۋسىم لاس-ۆەگاستا وتەدى. ال بۇل بوكس كەشىنىڭ باستى وقيعاسى ۋكراينالىق ۆاسيلي لوماچەنكو (14-2، 10 ك و) مەن جاپونيالىق ماساەشي ناكاتاني (19-1، 13 ك و) اراسىنداعى جەكپە-جەك بولادى.
«وتە تارتىستى ايقاس بولادى. ءالىمحان ۇلى بۇرىنعى الەم چەمپيونىمەن شىعادى. برانتتىڭ تاجىريبەسى مول. قازىرگى تاڭدا ول ورتا سالماقتاعى ەڭ ۇزدىك 15 بوكسشىنىڭ قاتارىندا. مۇنىڭ ءبارى قازاقستاندىق ءۇشىن الداعى جەكپە-جەكتىڭ ماڭىزى قانداي ەكەنىن كورسەتىپ-اق تۇر. جانىبەك ەشقاشان مۇنداي قارسىلاسپەن جۇدىرىقتاسقان ەمەس. وسى ايقاستا جەڭىسكە جەتسە، رەيتينگتە كوتەرىلىپ، اتىن شىعارادى.
كەيىنگى ۋاقىتتا برانتتىڭ ءوز مەنەدجەرىمەن قيىندىقتار بولدى. ەكى جىلدا تەك ەكى جەكپە-جەك وتكىزدى، سونىمەن بىرگە، مۋراتامەن ءۇشىنشى رەت كەزدەسۋ وتكىزە المادى. بولاشاعى زور ءارى ادۋىندى بوكسشىمەن ايقاس ونىڭ كارەراسىن جانداندىرۋى مۇمكىن. ءالىمحان ۇلىنا وڭاي بولمايدى. بۇل ونىڭ كارەراسىنداعى ەڭ اۋىر ايقاس»، - دەيدى دجەي.
