18 جاسقا تولماعاندارعا نەگە ۆاكسيناتسيا سالىنبايدى؟
نۇر- سۇلتان. قازاقپارات – ق ر دەنساۋلىق ساقتاۋ مينيسترلىگى سانيتارلىق- ەپيدەميولوگيالىق باقىلاۋ كوميتەتىنىڭ ءتورايىمى ايجان ەسماعامبەتوۆا 18 جاسقا تولماعاندارعا كوروناۆيرۋسقا قارسى ۆاكسينا نەگە سالىنبايتىنىن ءتۇسىندىردى، دەپ حابارلايدى قازاقپارات ءتىلشىسى.
«بۇگىندە 18 جاسقا دەيىنگى بالالارعا ۆاكتسينا سالىنبايدى. ولارعا ۆاكسينا قارسى كورسەتىلىم بولعاندىقتان سالىنباي وتىرعان جوق. سەبەبى حالىقتىڭ ءدال وسى توبى ءۇشىن كلينيكالىق زەرتتەۋلەر جەتكىلىكتى دەڭگەيدە جۇرگىزىلمەگەن»، - دەدى ول ورتالىق كوممۋنيكاتسيالار قىزمەتىندەگى بريفينگ بارىسىندا.
سونىمەن قاتار ول الداعى ۋاقىتتا كوروناۆيرۋسقا قارسى ۆاكسينانىڭ بالالارعا اسەرىنە قاتىستى كلينيكالىق زەرتتەۋلەر جۇرگىزىلەتىندىگىنە ءۇمىت ارتاتىندىعىن ايتتى.
«كەلەشەكتە زەرتتەۋلەر شىعىپ، بالالار ءۇشىن دە ۆاكسينا ءتيىمدى ءارى قاۋىپسىز ەكەندىگى ايتىلۋى مۇمكىن. مىنە، سول كەزدە ولارعا دا ۆاكسينا سالۋ مۇمكىندىگىن قاراستىرامىز. ال قازىرگى ۋاقىتتا 18 جاستان اسقان ادامدار عانا ۆاكسيناتسيالاۋ توبىنا جاتادى»، - دەدى ايجان ەسماعامبەتوۆا.
