18-ناۋرىز. قازاقپارات كۇنتىزبەسى
ەستە قالار وقيعالار 1997 -جىلى قازاقستان رەسپۋبليكاسىنىڭ ۇكىمەتى قازاقستان رەسپۋبليكاسى ىشكى ىستەر ءمينيسترى ىشكى اسكەرلەرىنىڭ جوعارى اسكەري ۋچيليشەسىن قۇرۋ تۋرالى قاۋلى قابىلدادى.
2004 -جىلى ق ر ۇكىمەتىنىڭ № 1355 قاۋلىسىنا سايكەس، «عارىش بايلانىسىنىڭ رەسپۋبليكالىق ورتالىعى» ا ق قۇرىلدى. ونىڭ قىزمەتىن «قازعارىش» رەتتەيدى.
2006 -جىلى پراگادا چەحياداعى قازاقستان ستۋدەنتتەرىنىڭ «بايتەرەك» كلۋبىنىڭ تۇساۋكەسەر ءراسىمى ءوتتى.
2010 -جىلى كوكساراي سۋ رەتتەگىشىنىڭ اشىلۋ ءراسىمى ءوتتى. كوكساراي - ارىس اۋدانىندا، سىرداريا وزەنىندە سالىنعان سۋ قويماسى.
2013 -جىلى نيۋ- يوركتەگى شەتەلدىك كونسۋلدار قوعامى (SoFC) ءبىرقاتار مەملەكەت وكىلدەرىنىڭ ەڭبەگىن تانۋ تۋرالى سەرتيفيكاتتارمەن ماراپاتتادى. قازاقستان اتىنان بۇل قۇجات دانا كاپپاروۆاعا بەرىلدى. دياسپورالاردى دامىتۋعا سىڭىرگەن ەڭبەگى جانە ەكىجاقتى قارىم- قاتىناستاردى دامىتۋعا قوسقان ۇلەسى ءۇشىن جىل سايىنعى ماراپاتتاۋ ءداستۇرىنىڭ نەگىزى نيۋ- يوركتەگى قازاقستان رەسپۋبليكاسىنىڭ باس كونسۋلدىعىنىڭ باستاماسى بويىنشا قالاندى.
2016 -جىلى قازاقستان رەسپۋبليكاسىندا قازاقستان ديپلوماتتارىنىڭ قاۋىمداستىعى قۇرىلدى، ونىڭ نەگىزگى ماقساتى - قازاقستان رەسپۋبليكاسىنىڭ سىرتقى ساياساتىن جۇزەگە اسىرۋعا جاردەمدەسۋ، قاۋىمداستىق مۇشەلەرىنىڭ قۇقىقتارى مەن مۇددەلەرىن قورعاۋ جانە قازاقستاندىق ديپلوماتتار اۋلەتتەرىندەگى ساباقتاستىقتى نىعايتۋ.
2017 -جىلى قازاقستاننىڭ 28 سپورتشىدان تۇراتىن ارنايى قۇراما قۇراما كومانداسى اۆستريادا وتكەن بۇكىل الەمدىك قىسقى ارنايى وليمپيادا ويىندارىنا قاتىستى. «سپەشيال وليمپيكس» قازاقستان» ق ب (س و ق) - رەسپۋبليكالىق قامقورشى سپورتتىق ۇيىم، ونىڭ نەگىزگى ماقساتى ينتەللەكتۋالدىق دامۋى بۇزىلعان ادامداردىڭ سپورتتىق ءىس- شارالارعا قاتىسۋىن قامتاماسىز ەتۋ ارقىلى ولاردىڭ قوعامنىڭ ناعىز مۇشەسى بولۋىنا كومەكتەسۋ.
2017 -جىلى نەمىستىڭ گاللە قالاسىندا حيميكتەر كۋبوگىنا ارنالعان جىل سايىنعى تۋرنيرگە قاتىسقان قازاقستاندىق بوكسشىلار ازامات يساقۇلوۆ، ءابىلحان امانقۇل، ۆاسيليي ليەۆيت، قامشىبەك كوڭقابايەۆ التىن مەدالعا يە بولدى. گاللەدەگى حالىقارالىق ءتۋرنيردى «شاعىن الەم چەمپيوناتى» دەپ اتايدى. وعان ءتۇرلى قۇرلىق بوكسشىلارى قاتىسادى. ول 1970 -جىلدان بەرى جىل سايىن وتكىزىلەدى.
2018 -جىلى قوستاناي وبلىسىنىڭ زاتوبولسك كەنتىنە قالا مارتەبەسى بەرىلىپ، توبىل دەپ اتالدى.
2019 -جىلى حالىقارالىق تۇركى اكادەمياسى (TWESCO) ماناس ەپوسىنىڭ كىتابىن لاتىن الىپبيىمەن باسىپ شىعاردى. كىتاپ بەلگىلى ماناسشى مەدەر مەرگەنبايەۆتىڭ قالدىرعان قولجازباسى نەگىزىندە جيناقتالىپ، باسىپ شىعارىلدى. كونە قولجازبا اراب گرافيكاسىمەن جازىلعان. اتالعان قولجازبادا ەپوستىڭ باسقا نۇسقالارىندا جوق وقيعالار مەن تىلدىك ورالىمدار بار. بۇعان دەيىن ول تەك قولجازبا كۇيىندە ساقتالعان جانە ەشبىر جەردە جاريالانباعان. وسى ۋاقىتقا دەيىن بۇل جۇرتشىلىققا تانىس ەمەس بولىپ كەلگەن قولجازبانى 1993 -جىلى قىركۇيەك ايىندا بىشكەك گۋمانيتارلىق ۋنيۆەرسيتەتىنىڭ سول كەزدەگى رەكتورى، بەلگىلى تۇركولوگ- عالىم قادىرالى قوڭقابايەۆ ساتىپ الىپ، 2018 -جىلى شىلدەدە تۇركى اكادەمياسىنا تابىستادى.
2019 -جىلى الماتىداعى ىقىلاس اتىنداعى حالىق مۋزىكالىق اسپاپتارى مۋزەيىنە شاكارىم قۇدايبەردى ۇلىنىڭ دومبىراسى تاپسىرىلدى. قۇندى جادىگەردى مۋزەيگە شاكارىمنىڭ تىكەلەي ۇرپاعى مەدعات قۇلجانوۆ تابىستادى. دومبىرا - قوس ىشەك پەن 13 پەرنەدەن تۇرادى، تۇتاس اعاشتان ويىپ جاسالعان. دومبىرانى كىم ءارى قاشان جاساعانى بەلگىسىز.
2020 -جىلى ءۇندىستاننىڭ نيۋ- دەلي قالاسىنداعى ۇلتتىق مۋزەيىندە «رۋحاني جاڭعىرۋ» باعدارلاماسى اياسىندا ۇيىمداستىرىلعان «التىن ادامنىڭ الەم مۋزەيلەرىنە شەرۋى» حالىقارالىق جوباسى اياسىندا «ۇلى دالا: ۋاقىت. كەڭىستىك. مادەنيەت» . كورمەدە تاقساي (باتىس قازاقستان وبلىسى)، تالدى-2 (قاراعاندى وبلىسى)، بەرەل (شىعىس قازاقستان وبلىسى)، ورتالىق جانە وڭتۇستىك قازاقستان، جەتىسۋ سىندى ساق قورعاندارىنان تابىلعان ارحەولوگيالىق بىرەگەي ولجالار كورسەتىلدى. ءۇندىستاننىڭ ۇلتتىق مۋزەيىنە كەلۋشىلەرگە رۋنيكالىق حاتتىڭ 26 بەلگىسىنەن تۇراتىن ەكى جولدى جازۋى بار ەسىك قورعانىنان جاسالعان كۇمىس توستاعاندى كورۋدىڭ سيرەك مۇمكىندىگى بولدى. بۇل ەكسپونات قازاقستان اۋماعىندا جازۋدىڭ ەرتە تارالۋىن جانە پايدالانىلۋىن ايعاقتايدى.